DD News Mizoram Chanchinthar | 15 December 2024 | 6:30 PM

HEADLINES:

1. Kan hma lawka Krismas lo thleng tur pualin nizan khan Larsap Dr. Hari Babu Kambhampati hovin Raj Bhavan-ah Christmas Carol hlimawm tak hman a ni.

2. International Paragliding Accuracy Championship leh Air Sports Festival 2024 kharna inkhawm chu Chief Minister Pu Lalduhoma ho in, nimin chawhnu khan Serchhip Zawlpuia programme buatsaihah khar a ni.

3. Kumin July atanga September thla chhung khan Mizoram ah Naupiang 5677 an awm a, hetihlai hian Mitthi 2041 awmin, Mitthi zingah hian Za-a 64 hi Mipa an ni.

4. Mizoram Economics and Statistic Department-in tun hnaia 2nd Quarterly Bulletin an tihchhuah a tarlan a nih danin July ni 1 atanga September ni 30 thleng khan Lirthei ziahluh thar 6738 a awm.

5. Border Security Force 20 battalion-ten 2nd Mizo Battalion NCC-a awm ṭhalaite tan ralthuam phochhuahna hun an buatsaih.

6. Mizoram Presbyterian Kohhran hnuaia Mizo Sunday School Union chuan vawiin chawhma khan kum tina an tih thin danin Sunday School naupangte tan Pathian thu Exam a buatsaih.

7. The Salvation Army, India Eastern Territory 9th Territorial Council Ni hnih awh chu tluang takin Aizawl Temple Corps ah neih zawh a ni.

8. Serchhip Bazar Presbyterian Kohhrante chuan Zirtawp zan atang khan an Kohhran din champha Kum 25-na lawmna hun an hmang.

9. The Salvation Army Kohhran enkawl, Mizorama kum upa te enkawlna In hmasa ber, Beiseina In, Old Age Home, New Serchhip tan Senior Club Mizoram chuan chawlhbuk an sak hawnna nimin khan neih a ni.

10. Assam Rifles leh Champhai Dist Excise and Narcotics Dept chuan nimin piah khan Champhai dist, Zote ah heroin cheng nuai 25 chuang hu an man.

11. Prime Minister Narendra Modi an rampum huap Chief Secretary Conference vawi 4 na, New Delhi-a neihah thu a sawi.

12. Prime Minister Narendra Modi an ram danpui chu ram inlungrualna tura ban pawimawh tak a ni, a ti.

13. Union Home Minister Amit Shah chuan rampuma inthlanpui pakhat kalpuiin federalism innghahna a tichhe dawn lo a ni, a ti.

14. Vice President Jagdeep Dhankhar an Madhya Pradesh-ah Geoscience Museum a hawng.

15. Defence Minister Rajnath Singh chuan midangte tana inpekna, tanpui leh duhsakna chu Indian society hlutna sawifiahna a nih thu a sawi.

16. Prime Minister leh Home Minister ten Deputy Prime Minister hmasa ber, Iron Man of India tia sawi Sardar Vallabhbhai Patel thih champhaah zahna chibai an buk.

17. Home Minister Amit Shah chuan ramchhunga Police hnathawk tha chawimawina President’s Colour chu Chhattisgarh Police hnenah a hlan.

18. Manipur, Thoubal leh Kakching dist-a inkahna thlengah vawiin khan mi 3 an thi.

#DDNewsMizoramLive #LiveAt6-30PM #MizoramNews #LiveNews #Mizo #News #LIVE #NorthEast -
#Lalduhoma

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram