MIKA FEST 2024

Aurten ere Mika Fest izenekoa antolatu du Udaleko Kultura Sailak, Alex Robleño "Alxshow" influencerrarekin eta Euri dantza taldearekin elkarlanean. Dantza jaialdia Coliseo antzokian egingo da irailaren 14an, 16:00etatik 21:30era, eta bertan taldeka zein banaka arituko dira lehiaketarako aukeratu dituzten dantzariak. Nahi izanez gero, Coliseo barruan izango den ekitaldia osorik eta zuzenean jarraitu ahalko da, asmo horrekin Errebal Plazan jarriko den pantaila erraldoi baten bidez. Horrela, arratsalde osoa antzokian sartuta egon nahi ez dutenei ere ikuskizunaz gozatzeko aukera eman nahi diete. Eta Coliseoko ekitaldia amaitu ondoren, afterparty bat egingo da Errebalen, eta bertan dantzak zuzenean ikusteko aukera egongo da, besteak beste”. Coliseorako sarrera doan izango da, baina hala ere gonbidapena eskuratu beharko da sartu ahal izateko. Astelehenean aurkeztu zuten ekitaldia eta, esan zutenez, jaialdiak mundu mailan ospetsu egin diren Hego Koreako kulturaren hainbat adierazpide ikusarazi nahi ditu.

#MikaFest2024 #hallyu #dantza #cover #korea #asia #eibarETAKITTO