Скачать или смотреть कतार-इराण तणाव वाढला | 87 मृत्यूंची नोंद | इराणनं पुन्हा एकदा क्षेपणास्त्र हल्ले केले

कतारचे पंतप्रधान आणि इराणचे परराष्ट्र मंत्री यांच्यात आज दूरध्वनीवर चर्चा झाली. इराणनं कतारवरील हल्ले त्वरित थांबवावेत, अशी मागणी कतारच्या पंतप्रधानांनी केली असून, आवश्यक असल्यास स्वसंरक्षणाचा अधिकार वापरण्याचा इशाराही दिला. इराणच्या परराष्ट्र मंत्र्यांनी मात्र क्षेपणास्त्र हल्ले हे कतारवर नव्हे तर अमेरिकेवर दबाव आणण्यासाठी असल्याचा दावा केला.

दरम्यान, इस्रायलने इराणमधील सुरक्षा कमांड केंद्रांवर हल्ले केल्याने पश्चिम आशियातील संघर्ष अधिक तीव्र झाला आहे. इस्रायली संरक्षण दलांच्या मते, लक्ष्य केलेली कमांड सेंटर्स इराणी राजवटीच्या नियंत्रणासाठी वापरली जात होती.

२८ फेब्रुवारीपासून इराणमध्ये १,०९७ नागरिकांचा मृत्यू झाल्याची माहिती अमेरिकास्थित मानवाधिकार संस्था HRANAने दिली आहे. इराणने पुन्हा क्षेपणास्त्र हल्ले केले असले तरी त्यातील बहुतांश हल्ले इस्रायलने रोखल्याचा दावा आहे.

‘Operation Epic Fury’ संदर्भात अमेरिकन कमांडर Brad Cooper यांनी सांगितलं की, अमेरिका थांबणार नाही आणि इराणची प्रत्युत्तर देण्याची क्षमता झपाट्याने कमी होत आहे. इस्रायलच्या हवाई दलाने आतापर्यंत इराणचे ३०० क्षेपणास्त्र लाँचर्स नष्ट केल्याचा आणि इराणच्या हवाई क्षेत्रावर ताबा मिळवल्याचा दावा केला आहे.

तसेच इस्रायलने Hezbollahच्या जवळपास ६० ठिकाणांवर हल्ले केल्याचं म्हटलं आहे. इस्रायल आज आणि उद्या रात्री Ben Gurion Airportवरून मर्यादित उड्डाणे पुन्हा सुरू करणार आहे.

दरम्यान, श्रीलंका किनाऱ्याजवळ इराणच्या जहाजावर झालेल्या पाणबुडी हल्ल्यात आतापर्यंत ८७ जणांचा मृत्यू झाला असून ३२ जणांना वाचवण्यात यश आलं आहे.

संपूर्ण घडामोडींसाठी व्हिडिओ शेवटपर्यंत पाहा.


#QatarIranTensions #IsraelIranConflict #OperationEpicFury #HRANA #Hezbollah #BenGurionAirport #MiddleEastCrisis #WorldNews #MarathiNews