四牙全走｜三牙變四牙｜西狗牙 東狗牙 中狗牙 東東狗牙 (狗麻脊)｜睇埋日落至走｜狗牙嶺真係好靚｜山界考牌路線…仲係咪呢？｜熱辣辣下行到死咁濟｜瘋狂自虐系列｜15公里｜10小時路程

Описание к видео 四牙全走｜三牙變四牙｜西狗牙 東狗牙 中狗牙 東東狗牙 (狗麻脊)｜睇埋日落至走｜狗牙嶺真係好靚｜山界考牌路線…仲係咪呢？｜熱辣辣下行到死咁濟｜瘋狂自虐系列｜15公里｜10小時路程

山界考牌路線三牙全走，我哋特別啲嚟咗個進化版「四牙全走」

三月最熱紀錄下挑戰剝🦷🦷🦷🦷，熱到我hihi，喺西狗牙上左無耐已經攰到死，勁難先爬到上去一線生機，狗牙嶺條路又勁斜，一路坐住落。

東狗牙一開波就要捉繩落斜，落落下都仆左鑊勁嘅，銀左落啲尖牙度，手踭即時腫咗個血波仔，小腿都瘀埋，差唔多落到最底之前一刻嚟個小拗柴，好彩無嘜事。

然後再上中狗牙，最痛苦嘅時刻，隻腳都拎唔起，真係夾硬上，未試過咁痛苦，見到標高柱一刻眼淚都流出嚟。

睇咗陣日落景，又要回復心情，喺東東狗牙落山，仲要入黑開頭燈落山，超癲，有個驚險位真係好危險，黑孖孖睇唔到行錯路越落越斜好唔對路差啲爬唔返上嚟，好彩搵返正確嘅路落山，如果真係搵唔到，就真係要開住頭燈調返轉頭上返去爬狗牙嶺、一線生機、閻王壁，喺斬柴坳落返去昂坪。

見到佢兩個落得快我又想追，好啦又跣多鑊，銀到後腰，好彩好快都唔痛了，然後俾我行頭位食蜘蛛網頂住佢哋唔好行咁快😆😆😆😆

有驚有險但最終都平平安安落到嚟，四牙真係唔講得笑，我覺得四條路線最難係呢條，天氣好影響我嘅睇啊，一熱我就hang機。


行程：石壁水塘〉石壁郊遊徑〉西狗牙〉一線生機〉東狗牙〉鳳凰徑引水道〉石壁郊遊徑〉中狗牙〉東東狗牙〉塘福懲教所

Комментарии

Информация по комментариям в разработке

Похожие видео