الندم والحسايف - صالح ال مانعه | ( جديد ) 2024

الكلمات :

البارحه والسهر ما هو بضيفً خفيف
اثقل من طويق وجبال السراه وكرى

تنحر عيوني اللي قايمه بـ المضيف
تستقبل اللي ضوى وتودع اللي سرى

اكرم من الطيب اللي ما بعد حل ضيف
من كثر ما يعزم ضيوفه ويقري القرى

يـ اللي تنامون طول الليل بـ الله كيف
ازريت ما نمت عقب الطاري اللي طرى

ما هو بطاري وليفً فاقدً له وليف
احاتي اللي يشوف الموت قدم وورى

في ظلمة السجن واللي جاي عاده مخيف
كنه على الموت الاحمر ماسكً له سرى

من الندم والحسايف صار جسمه نحيف
واصابع يديه كلها كلها ما درى

اعبر من الغصن لا حت ورقه ف الخريف
جسمً كلته الحسايف وانبرى و انبرى

تكفى يا بو خادم انظر له ب قلبً لطيف
اللي على هدرة الدم الحمر ما ضرى

يا ثقل تكفى علينا يـا المقام الشريف
حتى لو انها تقال ، وتكتب وتنقرى

مثلك ما يرضى علينا لانكسار العنيف
عد النظر في ال مية مليون باللي ترى

خفف علينا من الحمل الثقيل الكليف
شل اكثر الحمل ، لين تدك حم الذرى

وان كان ما هو على شان السجين الضعيف
لـ عيون من دمعها لا هل يسقي الثرى

وانتوا هل العفو عاد الوقت مده قصيف
من عزوةً تنتصر دايم لا رد البرى

يـ الاد منصر هل المجد العريق المنيف
انتوا وحنا عواني واخوياا وقصرى

لدوا النظر في الضعيف اللي تحاتي ضعيف
وردوا ولدها مثل رداتكم لـ البرى

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ