Masallı Viləş kəndinin Şəhidi Əsgərli İntiqam Bayram oğlu dəfn mərasimi

Bu gün torpağa igid övladımızı, Xüsusi Təyinatlıların giziri, kəşfiyyatçı İntiqam Əsgərlini 30 yaşında son mənzilə yola saldıq. Cəmi bundan 4 il öncə, 2016-cı ilin aprelində İntiqam çiyin-çiyinə döyüşdüyü kiçik qardaşı, 21 yaşlı Nurlanın nəşini döyüşdən çıxarmışdır. O kilometrlərlə çiynində daşıdığı qardaşına sənin qisasını yerdə qoymayacağam demişdi və bu gün o qisası aldığı üçün sanki məzarın üstündə qoyulmuş şəkildə qürurla bizləri seyr edirdi. Bu gün bir anlıq düşündüm övladlarını xaricə qaçırdan, saxta koronavirus xəstəsi edən, nə bilim min hoqqalardan çıxan valideynləri yığıb İntiqamla Nurlanın valideynlərin yanına apamaq imkanım olaydı kaş... Bir ailə, iki övladını vətən uğrunda fəda etməyini, bir nəslin tükəndiyini,bir evin çırağı söndüyünü, bir ata-ananın çarəsizliyini nə olduğunu gözlərilə hamı şahid olaydı kaş... Bu insanlar üçün bundan sonra həyat dondu, dayandı, dünyaları yox oldu, daha heç nə hiss etmədiklərini, duymadıqlarını anladım bu gün... Bir ata-ana iki oğul böyüdə, onun ikisində vətənə qurban edə, bundan böyük bir fədakarlıq, şücaət, qəhrəmanlıq varmı? Bu torpağa, bu millətə bundan böyük bir dəyər vermək olarmı? Efirlərdə gür-gürüldayan, işi-gücü çamur atmaq, nifaq salmaq, ayrı-seçkilik etmək olan Xoşqədəmkimilər getsinlər İntiqamla Nurlanın kimliklərini, keçdikləri şərəfli yollarını, yazdıqları qəhrəmanlıq dastanları öyrəsinlər kaş... Ziba anadan, Bayram kişidən Azərbaycan sevgisini, vətənin bölünməzliyini, müqəddəsliyini, insanlığını öyrənsinlər kaş...