Agata Kristi. Rojdestvo arafasidagi qotillik. 1-qism. Audio kitob

Agata Kristining ushbu romani ham boshqa asarlari kabi kitobxonni o'ylashga, izlanishga majbur qiladi.
Asar voqealar rivoji quyidagicha: Asar bosh qahramoni qariya Semyon Li Rojdestvo bayrami arafasida tarqalib ketgan butun oila a'zolarini bir joyga yig'ib bayramni birgalikda kutib olmoqchi bo'ladi. Lekin u bu ishi o'z o'limiga sabab bo'lishini bilmas edi. Semyon Li o'g'illari Alfred, Jorj, Devid, Harri kelinlari Lidiya, Makdalen, Hilda, qizi Jeniferning farzandi Pilar va Janubiy Afrikalik do'stini o'g'li Stivensni bir joyga yig'adi. Qotillik hamma uyda bo'lgan paytda, juda tez amalga oshiriladi. Qotillik bo'yicha barcha shubha ostiga tushadi. Eng qiziqarli jihati shundaki marhum o'limi oldidan qotil bilan juda qattiq kurash olib borgan degan fikrga kelinadi chunki xonadagi barcha idishlar singan, hamma joy juda tartibsiz, xonaning hamma burchagiga qon tomchilari sachragan bo'ladi. Eshik esa ichkaridan qulflangan, xona derazalari esa yopiq bo'ladi, faqatgina bir derazaning oynasi juda kichik ochiq bo'ladi. Uydagi barcha shovqin-suron eshitilishi bilan Semyon Lining xonasiga boradi lekin qotil ichkaridan qulflangan xonadan qanday qilib chiqib ketgan bo'lishi mumkin? Shu vaqtning o'zida politsiya katta inspektori keladi va barcha oila a'zolari so'roq qilinadi. Izquvar Puaro ham so'roq jarayonida qatnashadi. Puaroning fikriga ko'ra barcha so'roq davomida yolg'on ishlatdi. Axir nima uchun? Shunisi qiziqki, Semyon Lining o'limiga o'z xarakteri sabab bo'lgan. Uni o'g'illaridan biri o'ldirgan degan fikrga keladi Puaro. Asarga epigraf qilib Shekspirning Gamlet asaridan olingan "Qariya odamda shuncha qon bo'ladi deb kim o'ylabdi deysiz?" so'zlari hamda ingliz xalq maqoli "Hudoning tegirmoni sekin tortadi lekin toza tortadi" (ma'nosi: Al-qasosu minal haq) olingan bo'lib ushbu so'zlar asarning butun ma'nosini ochib beradi. Haqiqatdan ham qariya Semyon Li bir paytlar qilgan gunoh ishlarining jazosini o'z o'g'lini qo'li bilan oladi. Qotil kimligi Erkyul Puaro tomonidan juda mohirlik bilan topiladi. Qiziq qotil kim va qariya Semyon Lida qanday xusumati bo'lishi mimkin? Buni asarni tinglab bilib olishingiz mumkin.