சொன்ன வண்ணம் செய்த பெருமாள்

‪@SunderMedia‬ வணக்கம்
காஞ்சிபுரத்தில் உள்ள 14 திவ்யதேசதேசங்களில் இக்கோயிலும் ஒன்று. வரதராஜ பெருமாள் கோயிலில் இருந்து சுமார் 2 கிலோமீட்டர் தொலைவிலும், காஞ்சிபுரம் பேருந்து நிலையத்தில் இருந்து சுமார் 2 கிலோமீட்டர் தொலைவிலும் சொன்னவண்ணம் செய்த பெருமாள் கோயில் அமைந்துள்ளது.
காஞ்சிபுரத்தில் உள்ள கோயில்கள் ஒன்றோடு ஒன்று தொடர்புடையதாக உள்ளது. அஷ்டபுஜம், விளக்கொளி, வரதராஜ பெருமாள் கோயில்கள் சொன்னவண்ணம் செய்த பெருமாள் கோயிலோடு தொடர்புடையதாக உள்ளது.
இக்கோயில் காஞ்சிபுரத்தில் உள்ள மூன்று பழமையான பெருமாள் கோயில்களில் ஒன்றாக கருதப்படுகிறது, மற்ற இரண்டு கோயில்கள் யாதெனில் உலகளந்த பெருமாள் மற்றும் பாண்டவ தூதர் பெருமாள் கோயிலாகும்.
இக்கோயிலின் வாயில் ஐந்து நிலை கொண்ட ராஜகோபுரத்தோடு மேற்கு நோக்கி அமைந்த்துள்ளது.
கோயில் காலை 7.00 மணிமுதல் பகல் 11.00 மணிவரையிலும் மாலை 4.30 மணிமுதல் இரவு 7.00 மணிவரியில் நடை திறந்துவைக்கப்பட்டுள்ளது.
பலிபீடம், கொடிமரம், கருடாழ்வார் சன்னதி மூலவருக்கு நேராக அமைந்துள்ளது.
இங்கு கருவறை மண்டபம் மேற்கு நோக்கியவாறு அமைத்துள்ளது. மூலவர் சொன்னவண்ணம் செய்த பெருமாள் கருவறை மண்டபத்தில் படுத்த கோலத்தில் காட்சியைக்கிறார். திருமிழசை அழ்வார் பாடுவதை கேட்டு வளம்மிருந்து இடமாக படுத்தார் எனபது கூற்று.
கோயிலின் பிரதான மண்டபத்தில் தென்மேற்கு பகுதியில் தாயார் கோமளவல்லி தனி சன்னதில் கிழக்கு நோக்கியவாறு அருள்பாலிக்கிறாள்.
ராமன் லக்ஷ்மணன் சீதை மற்றும் ஆழ்வார்களுக்கு தனி தனி சன்னதி அமைத்துள்ளது.
இத்திருக்கோயிலின் தாமரைக்குத்தில் பொய்கை ஆழ்வார் கண்டெடுக்கப்பட்டடார். கோயில் வளாகத்தின் வடக்கு பகுதியில் பொய்கையாழ்வாருக்கு தனி சன்னதி அமைந்துள்ளது.
வளாகத்தின் வாடகிழக்கு பகுதியில் தாயார் ஆண்டாள் தனி சன்னதில் கிழக்கு நோக்கியவாறு நின்ற கோலத்தில் காட்சியளிக்கிறாள்.
காஞ்சிபுரத்தில் இருக்கும் திவ்யதேசங்கள் அனைத்தும் ஒன்றோடொன்று தொடர்புடையன. பிரம்மாவின் யாகத்திலிருந்து எழுந்தருளியவர் அத்திவரதர். அந்த யாகம் தொடங்கப்பட்டபோது, ஏற்பட்ட தடைகள் அனைத்தையும் நீக்கப் பெருமாள் பல்வேறு தலங்களில் எழுந்தருளி அருள்பாலித்தார்.
பிரம்மன் செய்த யாகத்தை அழிக்க, சரஸ்வதி தேவி வேகவதி என்னும் நதியாக மாறி பெருவெள்ளமாய்ப் பாய்ந்தாள்.அவளைத் தடுத்து நிறுத்தப் பெருமாள், ஆற்றின் குறுக்கே அணையாகப் படுத்தார். வேகவதி என்னும் வெக்கா நதி பாய்ந்த இத்திருத்தலம் 'திருவெக்கா' என்றழைப்படுகிறது. இங்கு இருக்கும் பெருமாளுக்கு 'சொன்ன வண்ணம் செய்த பெருமாள்' என்று பெயர். பெருமாளுக்கு இப்பெயர் வர ஒரு சுவாரஸ்மான சம்பவம் உண்டு.
திருமழிசையாழ்வாரின் சீடன் கணிக்கண்ணன். இவர், நாள்தோறும் தனக்கும் தன் குருவுக்கும் சேர்த்து யாசகம் எடுத்துவந்து சேவை செய்தார். இவர்களின் ஆசிரமத்தை நாள்தோறும் தூய்மை செய்துவந்தார் ஒரு மூதாட்டி. அவரின் சேவையைக்கண்டு மனம் மகிழ்ந்த ஆழ்வார், 'தங்களுக்கு என்ன வேண்டும்' என்று மூதாட்டியிடம் கேட்டார். மூதாட்டியும், 'தங்களுக்கு மேலும் தொண்டு செய்ய எனக்கு நல்ல உடல் பலம் வேண்டும்' என்று வேண்டிக்கொண்டார்.
அடுத்த கணம் அவரின் முதுமை நீங்கி இளமை திரும்பியது. இந்த அற்புதத்தைக் கேள்விப்பட்ட அந்த நாட்டின் மன்னன் கணிக்கண்ணனை அழைத்துவரச் சொன்னார். கணிக்கண்ணன் மீதும், ஆழ்வார் மீதும் பொறாமை கொண்டிருந்த சிலர், கணிக்கண்ணன் சொன்னால் ஆழ்வார் எதையும் செய்வார் என்று சொல்லி மன்னரின் பேராசையைத் தூண்டினர்.
அரண்மனை வந்த கணிக்கண்ணனிடம் மன்னன், 'தனக்கும் இளமை திரும்புமாறு உங்கள் குருநாதரிடம் சொல்லவேண்டும் ' என்று கேட்டார். கணிக்கண்ணனோ, " குருவின் கருணையை சேவையின் மூலம் பெறலாமே ஒழிய உத்தரவின் வழியாகப் பெறமுடியாது" என்று சொல்லி மறுத்தார். மன்னன் கோபம் கொண்டு கணிக்கண்ணனை நாடு கடத்துமாறு உத்தரவிட்டார். இதைக் கேள்விப்பட்டதும் மனம் வருந்திய கணிக்கண்ணன் தன் குருவிடம் விடைபெற்றுக்கொள்ள வந்தார். 'தன் சேவையைத் தொடர முடியாத நிலையைச் சொல்லி, அந்த ஊரிலிருந்து வெளியேறுவதாகக் கூறினார்.' இதைக் கேட்ட திருமழிசையாழ்வார், 'வா இருவரும் சென்று பெருமாளிடம் முறையிடுவோம்' என்று சொல்லிக் கோயிலுக்குச் சென்றனர். அங்கு தன் மனக் குறை வெளிப்படுமாறு ஆழ்வார் ஒரு பாசுரம் பாடினார்
என் சீடன் இல்லாத ஊரில் நான் இருக்க மாட்டேன். பக்தர்கள் இல்லாத ஊரில் உனக்கு என்ன வேலை. நீயும் உன் பாம்புப் பாயைச் சுருட்டிக்கொண்டு என் பின்னாலேயே வா" என்பது பாசுரத்தின் பொருள்.
சீடன் முன்னே செல்ல, ஆழ்வார் பின்னே செல்ல, அவர்களைத் தொடர்ந்து பெருமாளும் தன் பாம்புப் பாயைச் சுருட்டிக்கொண்டு நடக்க ஆரம்பித்துவிட்டார். பின்பு அவர்கள் மூவரும் ஊர் எல்லையைக் கடந்து ஓர் ஊரில் தங்கினர். இந்தத் தகவல் மன்னனுக்குப் போனது. மன்னன் தன் தவற்றை உணர்ந்தான். ஓடோடி வந்து ஆழ்வாரின் காலடியில் வீழ்ந்து பணிந்து தன் பிழை பொறுக்குமாறு வேண்டினான். ஆழ்வாரும் அவனை மன்னித்து
"கணிகண்ணன் போக்கொழிந்தான் காமருபூங்கச்சி மணிவண்ணா நீ கிடக்கவேண்டும் - துணிவுடைய செந்நாப்புலவனும் போக்கொழிந்தேன் நீயுமுன்றன் பைந்நாகப் பாய்படுத்துக்கொள்" என்று பாடினார்.
கணிகண்ணன் மற்றும் நானும் அமைதி கொண்டோம், நீ படுக்கவேண்டும் மீண்டும் பைந்நாகப் பாயை சுருட்டிக்கொள் என பாடினார்.
உடனே பெருமாள் மீண்டும் தன் பைந்நாகப் பாயை சுருட்டிக்கொண்டு திருவெக்கா வந்து மீண்டும் படுத்துக்கொண்டார்.
ஆழ்வாரின் சொல் கேட்டு எழுந்து நடந்து மீண்டும் வந்து படுத்ததால் இந்தப் பெருமாளுக்கு 'சொன்ன வண்ணம் செய்த பெருமாள்' என்று திருநாமம் ஏற்பட்டது.

பக்தரின் குறையைக்கேட்டு அவர் சொன்னபடி செய்த பெருமாள் என்பதால், இந்தத் தலத்தில் சொல்லப்படும் பக்தர்களின் குறைகள் உடனே தீர்கிறது என சொல்லப்படுகிறது.
இத்திருக்கோயிலுக்கு நீங்களும் வாங்க இறவன் அருள் உங்களுக்கும் கிடைக்கட்டும். நன்றி வாழ்க வளர்க.