Whakakai - Nga Moteatea o Ngapuhi, Rākaumangamanga

He iti taku iti, e haere runga i nga hau o Tāwhiri kia pā ki ngā kokonga o tōku Whare Tapu e kōkōia, e ara e.

Ingoa: Rakaumangamanga
Kaiwhakataki: Isaiah me Muritere Apiata
Iwi: Ngapuhi
Momo: Pao
Kupu:

Ko Rakaumangamanga
He maunga rongonui
E tu mai nei, i te marangai
Ka tere nga kupu, a nga tupuna No Hawaiki mai, tuku iho e i
Ka piki ake au
Ki runga o te tihi
O Rakaumangamanga
Ona mata e i
Ka matakitaki
Ki te au o morunga
Te hoenga waka
Ngapuhi e i
Te hau o morunga
E hora nei, takoto whakarunga, whakararo e i
Te tai tuki waka
O nga tupuna
No Hawaiki mai, tuku iho e i
Titiro iho au
Ki te Taitokerau, ki Taiamai, Hokianga e i
Te takotoranga
To mana e Ngapuhi
No Hawaiki mai, tuku iho e i
Nga maunga whakahihi
Kei te marangai
O Rakaungamanga, Manaia, Tutamoe e i
Kei te taihauauru Maungataniwha O Whakatere e, Ngapuhi e i
Te Tarai o Rahiri Puhanga Tohora Whiria Paiaka o te Riri Whakarongorua e i
Panguru ko Papata, Ramaroa ka huri Ki Rakaumangamanga
Ngapuhi e i
Ngapuhi e i