Скачать или смотреть ತಾಳಮದ್ದಳೆ ಅರ್ಥದಾರಿ ರಾಧಾಕೃಷ್ಣ ಕಲ್ಚಾರ್ (Talamaddale Artist Radhakrishna Kalchar)

ವೃತ್ತಿಯಲ್ಲಿ ಉತ್ತಮ ಅಧ್ಯಾಪಕ, ಪ್ರವೃತ್ತಿಯಲ್ಲಿ ಕವಿ, ಸಾಹಿತಿ, ಕಥೆಗಾರ, ಲೇಖಕ, ಅಂಕಣಕಾರ, ಯಕ್ಷಗಾನ ತಾಳಮದ್ದಳೆಯ ಮುಂಚೂಣಿಯ ಅರ್ಥದಾರಿ ರಾಧಾಕೃಷ್ಣ ಕಲ್ಚಾರ್ (A Lecturer, Poet, Literature, Columnist, Author, Yakshagana Talamaddale Arthadari Radhakrishna Kalchar)


ಹುಟ್ಟೂರು ಸುಳ್ಯ ತಾಲೂಕಿನ ಪಂಜ ಸಮೀಪ. 1965 ರಲ್ಲಿ ಜನನ. ತಂದೆ ದಿ| ಕೇಶವ ಭಟ್ಟ. ತಾಯಿ ಕನಕಲಕ್ಷ್ಮೀ. ಮಂಗಳೂರು ವಿಶ್ವವಿದ್ಯಾನಿಲಯದಿಂದ ಕನ್ನಡ ಎಂ. ಎ. ಸ್ನಾತಕೋತ್ತರ ಪದವಿಯಲ್ಲಿ ಪ್ರಥಮ Rank. ಸ್ವಲ್ಪಕಾಲ ಪತ್ರಕರ್ತ. ಹೊಸ ದಿಗಂತ, ತರಂಗಗಳಲ್ಲಿ ಉಪಸಂಪಾದಕರಾಗಿ ಉದ್ಯೋಗ. ಬಳಿಕ ಕಾಲೇಜು ಉಪನ್ಯಾಸಕ. ಸದ್ಯ ಸ್ವಯಂ ನಿವೃತ್ತ. ಪತ್ರಿಕೆಗಳಲ್ಲಿ ಅಂಕಣಕಾರ. ಯಕ್ಷಗಾನ ಪಠ್ಯ ಪುಸ್ತಕ ರಚನಾ ಸಮಿತಿಯ ಸದಸ್ಯ.

ಸುಮಾರು ಎರಡೂವರೆ ಮೂರು ದಶಕಗಳಿಂದ ಪೂರ್ಣಪ್ರಮಾಣದ ತಾಳಮದ್ದಲೆ ಅರ್ಥಧಾರಿ. ಚುಟುಕು ,ಚುರುಕು ಮಾತು. ನಾಟಕೀಯತೆ, ಸಂಭಾಷಣೆ, ಸ್ವರ, ಭಾಷೆ ಪಾತ್ರದ ಸ್ವಭಾವ ತಿಳಿದು ಅರ್ಥ ಹೇಳುವುದು, ಧ್ವನಿಪೂರ್ಣತೆ ಇವೆಲ್ಲಾ ಶ್ರೋತೃಗಳು ಗುರುತಿಸಿದ ವೈಶಿಷ್ಟ್ಯಗಳು.

ಪ್ರಾರಂಭಿಕ ಹಂತದಲ್ಲಿ ವೇಷಧಾರಿಯಾಗಿ ಈ ಕ್ಷೇತ್ರಕ್ಕೆ ಬಂದವರು. ಕರ್ಗಲ್ಲು ವಿಶ್ವೇಶ್ವರ ಭಟ್ಟರ ಶಿಷ್ಯ. ಪಂಜ, ಸುಳ್ಯ ಪರಿಸರದಲ್ಲಿ ಮುಖ್ಯ ಸ್ತ್ರೀ ವೇಷದಿಂದ ಗದಾಯುದ್ಧದ ಕೌರವನವರೆಗೆ ಹತ್ತೈವತ್ತು ವೇಷ ಮಾಡಿದ್ದಾರೆ. ಎರಡು ವರ್ಷದ ಹಿಂದೆ ಪುತ್ತೂರಲ್ಲಿ ಅಭಿಮನ್ಯು ಕಾಳಗದ ಕೌರವನ ವೇಷ ಹಾಕಿದ್ದರು. ಪುತ್ತಿಗೆ ರಘುರಾಮ ಹೊಳ್ಳ, ಪದ್ಯಾಣ ಶಂಕರನಾರಾಯಣ ಭಟ್ಟ ಹಿಮ್ಮೇಳದಲ್ಲಿದ್ದರು. ಅದು ಕೊನೆಯದು.

ಅಧ್ಯಾಪಕರಾಗಿ ವಿದ್ಯಾರ್ಥಿಗಳ ಹಾಗೂ ಊರವರ ಪ್ರೀತಿ ಗೌರವಗಳಿಗೆ ಪಾತ್ರನಾದ ಪುಣ್ಯವಂತ.

ಸುರತ್ಕಲ್ಲು ಯಕ್ಷಮಿತ್ರರು, ಶೃಂಗೇರಿ ಗುರುಪೀಠ, ಆಜೇರು ಯಕ್ಷಗಾನ ಸಂಘ, ಕುಂದಾಪುರದ ಡಾ.ಶಾಂತಾರಾಮ ಪುರಸ್ಕಾರ, ಮುಂಬಯಿ ಅಜೆಕಾರು ಕಲಾಭಿಮಾನಿ ಬಳಗ, ಕಲ್ಕೂರ ಪ್ರತಿಷ್ಠಾನ, ಕಿನ್ನಿಕಂಬಳದ ಭ್ರಾಮರಿ ಪ್ರೆಂಡ್ಸ್ ಕ್ಲಬ್ ಈ ಸಂಸ್ಥೆಗಳ ಸನ್ಮಾನ ಪುರಸ್ಕಾರಗಳು.

ಕೂಡು ಮನೆ (ಕಾದಂಬರಿ), ಮೂಡಂಬೈಲು ಗೋಪಾಲಕೃಷ್ಣ ಶಾಸ್ತ್ರಿ (ಪರಿಚಯ,ವಿಶ್ಲೇಷಣೆ), ಅವರವರ ದಾರಿ (ಕಥಾಸಂಕಲನ) ಪ್ರಕಟಿತ ಕೃತಿಗಳು. ತರಂಗ ವಾರಪತ್ರಿಕೆಯಲ್ಲಿ ’ಬಿಂಬ ಪ್ರತಿಬಿಂಬ’ ಎನ್ನುವ ಅಂಕಣವನ್ನು ಬರೆಯುತ್ತಿದ್ದರು. ಇತ್ತೀಚೆಗೆ ತುಷಾರ ಪತ್ರಿಕೆಯಲ್ಲಿ ಬಂದ ಲೇಖನ ಮಾಲೆ 'ಉಲಿಯ ಉಯ್ಯಾಲೆ ' ಜನಪ್ರಿಯ. ಉತ್ಥಾನ ಪತ್ರಿಕೆಯಲ್ಲಿ ' ಪರಕಾಯ ಪ್ರವೇಶ ' ಎಂಬ ಅಂಕಣ ಪುರಾಣ ಪಾತ್ರಗಳ ಕಥನ.

ಸದ್ಯ ವಿಟ್ಲದಲ್ಲಿ ತಾಯಿ ಕನಕಲಕ್ಷ್ಮೀಯಮ್ಮ, ಪತ್ನಿ ವಿದ್ಯಾಲಕ್ಷ್ಮಿ ಮತ್ತು ಮಕ್ಕಳಾದ ಅಭಿರಾಮ, ನಿರಂಜನರೊಂದಿಗೆ ತಮ್ಮ ಅಧ್ಯಾಪನ ವೃತ್ತಿಯಿಂದ ನಿವೃತ್ತಿಯನ್ನು ಪಡೆದು ಯಕ್ಷಗಾನ ತಾಳಮದ್ದಳೆಯಲ್ಲಿ ಅರ್ಥದಾರಿಯಾಗಿ ಭಾಗವಹಿಸುತ್ತಿದ್ದಾರೆ. ಜತೆಯಲ್ಲಿ ಪತ್ರಿಕೆಗಳಲ್ಲಿ ಅಂಕಣಕಾರರಾಗಿ, ಕವಿಯಾಗಿ, ಕಥೆಗಾರರಾಗಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.

ಯಕ್ಷಗಾನದ ಅಭಿಮಾನಿಯಾದ ಹಾಗೂ ನನ್ನ ಗುರುಗಳಾದ ರಾಧಾಕೃಷ್ಣ ಕಲ್ಚಾರರ ಅಭಿಮಾನಿಯಾಗಿರುವ ನಾನು ನನ್ನ ಅಭಿನಂದನೆಯನ್ನು ಈ ಡಾಕ್ಯುಮೆಂಟರಿಯ ಮೂಲಕ ಸಲ್ಲಿಸುತ್ತಿದ್ದೇನೆ.

ಬಲು ತಾಳ್ಮೆವಹಿಸಿ ಇದನ್ನು ಮಾಡಿದ್ದೇನೆ. ಈ ಡಾಕ್ಯುಮೆಂಟರಿಯನ್ನು ನೋಡಲೂ ಸಹ ಬಹಳ ಸಮಯದ ಅನುಕೂಲ್ಯತೆಯೂ ಮತ್ತು ತಾಳ್ಮೆಯ ಆವಶ್ಯಕತೆಯೂ ಇದೆ. ಆದರೆ ಇದನ್ನು ಸಂಪೂರ್ಣ ನೋಡಿದ ಕಲಾಭಿಮಾನಿಗಳಿಗೆ ನಿಜಕ್ಕೂ ಸಂತೋಷವಾದೀತು ಎಂಬ ವಿಶ್ವಾಸವುಳ್ಳವನಾಗಿದ್ದೇನೆ.

ವೃತ್ತಿಪರನಲ್ಲ ನಾನು. ನನ್ನ ಸೀಮಿತ ತಿಳುವಳಿಕೆ, ಜ್ಞಾನ, ಮತ್ತು ಸೀಮಿತ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಈ ಡಾಕ್ಯುಮೆಂಟರಿ ಮಾಡಿದ್ದೇನೆ. ದೋಷಗಳಿದ್ದರೂ ಕಲಾಭಿಮಾನಿಗಳು ವಿಶಾಲ ಮನಸ್ಸಿನಿಂದ ಸ್ವೀಕರಿಸುವಿರೆಂಬ ಆಶಯದೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ.
_____________________________________________________
I hereby declare that, the content is in the public domain OR is not eligible for copyright protection.
I swear, under penalty of perjury, that I have a good faith belief that the material does not fall under copyright protection.
I consent to the jurisdiction of the Federal District Court for the district in which my address is located, or if my address is outside of the United States, the judicial district in which YouTube is located, and will accept service of process from the claimant if any.