Скачать или смотреть 462- Kumjamii Mke Kwenye Tupu Ya Nyuma (Liwati) - Imaam Ibn ´Uthaymiyn

462- Kumjamii Mke Kwenye Tupu Ya Nyuma (Liwati) - Imaam Ibn ´Uthaymiyn


Swali:
Yapi maoni yako mume kumjamii mke wake kwa nyuma (liwati)? Na upi wajibu wa mwenye kufanya hivyo?

Imaam Ibn ´Uthaymiyn:
Kumjamii mwanamke kwa nyuma ni Haramu. Kwa kuwa Allaah (Subhaanahu wa Ta´ala) Kabainisha ni wapi pakumjamii. Akasema (´Azza wa Jalla):

وَيَسْأَلُونَكَ عَنِ الْمَحِيضِ ۖ قُلْ هُوَ أَذًى فَاعْتَزِلُوا النِّسَاءَ فِي الْمَحِيضِ ۖ وَلَا تَقْرَبُوهُنَّ حَتَّىٰ يَطْهُرْنَ ۖ فَإِذَا تَطَهَّرْنَ فَأْتُوهُنّ مِنْ حَيْثُ أَمَرَكُمُ اللَّـهُ ۚ إِنَّ اللَّـهَ يُحِبُّ التَّوَّابِينَ وَيُحِبُّ َ الْمُتَطَهِّرِينَ ¤ نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ

"Na wanakuuliza kuhusu hedhi. Sema: "Hiyo ni adha (uchafu); basi waepukeni Wanawake (wanapokuwa) katika hedhi. Wala msiwakaribie (kujimai nao) mpaka watwaharike. Watapotwaharika basi waendeeni (waingilieni jimai) kupitia pale Alipokuamrisheni Allaah". Hakika Allaah Anapenda wenye kutubia na Anapenda wenye kujitwaharisha. Wake zenu ni konde kwenu. Basi ziendeeni konde zenu vyovyote mpendavyo." (02:222-223)

Kauli Yake "... kupitia pale Alipokuamrisheni Allaah". Kisha Akasema "... Basi ziendeeni konde zenu vyovyote mpendavyo." Ni jambo linalojulikana ya kwamba sehemu ya kupanda ni kwenye tupu ya mbele na si ya nyuma. Na kumepokelewa Hadiyth ambazo zinatoa maonyo makali kwa yule anayemwendea mke wake kwenye tupu ya nyuma. Ni wajibu kwa yule aliyepewa mtihani huyo atubu kwa Allaah (´Azza wa Jalla) na ajute kwa aliyoyafanya. Wala mke hawi Haramu kwa kitendo hicho, lakini anasema Shaykh [... hasikiki vizuri... ] (Rahimahu Allaah) "Mwenye kufanya kitendo hichi kwa kukusudia, ni wajibu afarakanishwe yeye na mke wake kutokana na uovu huu." Na imenukuliwa kutoka kwake ya kwamba amesema "Huenda (kwa kutengana na mke wake) akatubu na kurejea kwa Allaah."

Swali La Pili:
Ipi hukumu kwa mwenye kukariri kitendo hicho na upi wajibu wa mke?

Imaam Ibn ´Uthaymiyn:
Anasema Shaykh-ul-Islaam bin Taymiyyah ya kwamba "Mwenye kujulikana kwa tabia hii, ni wajibu afarakanishwe baina yake yeye na mke wake." Na ndio kauli tuonayo ni ya sawa.Ama mwanamke ni wajibu juu yake kumkatalia na asimkubalie mume atapomuomba kitendo hichi cha Haramu. Na katika waume ambao wamepewa mtihani huu katika nyinyi ni wajibu kutubia kwa Allaah (´Azza wa Jalla) na ajue kuwa hiyo ni adha (uchafu & madhara) kwake kutokana na madhara ya tendo hili. Na katika waume ambao wamepewa mtihani huu katika nyinyi ni wajibu kutubia kwa Allaah (´Azza wa Jalla) na ajue kuwa hiyo ni adha (uchafu & madhara) kwake kutokana na madhara ya tendo hili. Ikishakuwa hili ni adha (uchafu & madhara) - yaani kumjamii mke katika hedhi - Kaamrisha Allaah (Ta´ala) kujiepushe nalo, vipi kwa yule mtu ambaye anamjamii mke wake kwa nyuma ambapo ni mahala pa madhara na uchafu zaidi?!

Chanzo:    • 462- Kumjamii Mke Kwenye Tupu Ya Nyuma (Li...