Скачать или смотреть සංඛාරස්ඛන්දය - ගති ප්‍රකීර්ණක චෛතසික - සදහම් සිසිලස ධර්ම සාකච්චාව Ep11 Chapter 1

සදහම් සිසිලස ධර්ම සාකච්ඡාව - Episode 11 Chapter 1 - සංඛාරස්ඛන්දය
ගති ප්‍රකීර්ණක චෛතසික

සංස්ඛාරස්ඛන්ධය තුළට සිතේ යෙදෙන සියලු ගති ලක්ශන ඇතුලේ කරනු ලබයි. සෑම සිතකම නොයෙදී කුසල අකුසල සිත්වල විවිධ ආකාරයෙන් යෙදෙන ගති ප්‍රකීර්ණක චෛතසික නමින් හඳුන්වනු ලැතේ. එම චෛතසික සයකි.

විතක්කය.

සිත අරමුණ කරා පැමිණවීම විතක්කතේ ස්වභාවය ය. . එහි ලක්‍ෂණය සිත අරමුණට නැංවීම ය. රසය සිත අරමු‌ණෙහි පැහැරීම වෙසෙසින් පැහැරීම ය. පච්චුපට්ඨානය අරමුණට සිත පැමිණවීම ය

විචාරය

විවරණය හෙවත් විතර්‍කයට පසු ව අරමුණෙහි හැසිරීම යි. එහි ලක්‍ෂණය අරමුණ පිරිමදනා බව ය. රසය සහජාත ධර්‍මයන් අරමුණෙහි යොදන බව යි. පච්චුපට්ඨානය අරමුණෙහි සිත නො සිඳීමක් මෙන් පවත්නා බව යි.‍‍

අධිමොක්ඛය

අරමුණු සනිටුහන් කිරීම අධිමොක්‍ෂය යි. නො හැකිළ එළඹීම කෘත්‍යය යැ. නිශ්චය කිරීම නුවණට වැටහෙන ආකාරය ය. නිශ්චය කළ ධර්‍මයම ආසන්න කාරණය යි.

වීර්යය
වීරයා ගේ ස්වභාවය වීර්යය යි. එහි ලක්‍ෂණය උත්සාහවත් කිරීම ය. රසය සහජාතයන්ට උපස්තම්භක වීම ය. (රුකුල් දීම ය) පසුබට නොවීම වැටහෙන ආකාරය ය. ‘සංවේගඥානය ආසන්න කාරණය යි. නොහොත් වීර්යයාලම්භ වස්තු ම ආසන්න කාරණය යි. පටන් ගන්නා ලද වීර්යයය සියලු සම්පත්තීන් ගේ මූල කාරණයයි දතයුුතුයි.

ඡන්‍දය
අරමුණු ගැනීමේ කැමති බවට නමෙකි. එය කත්තුකම්‍යතාවය ලක්‍ෂණය කොට ඇත්තේ යැ . ආලම්බන සෙවීම කෘත්‍යය යැ. අරමුණු කැමති බව වැටහෙන ආකාරය යැ. ඒ කැමැති වන අරමුණ ම ආසන්න කාරණය යි. (මෙය අරමුණු ගැනීමහි අත දිගුකිරීමක් මෙන් දතයුුතු)

ප්‍රීතිය
සිතෙහි ඇතිවන පිනායන බව ප්‍රීතියයි. ප්‍රීතිය ප්‍රධාන වශයෙන් පස්වැදෑරුම් වේ.
ඛුද්දක පීතිය - ශරීරයෙහි ලොමුදහ ගැන්වීම් මාත්‍රයක් කරන්නට සමර්‍ථ ය. (ඛුද්දික පීති නම් කුඩා ප්‍රීතිය)
ක්‍ෂණික ප්‍රීතිය - ක්‍ෂණ ක්‍ෂණණයහි විදුලි කෙටීමක් සේ ක්‍ෂුද්‍ර ප්‍රීතියටට වඩා බලවත් ව උපදී.
ඔක්කන්තික පීතිය - මුහුදු වෙරළ පැතිරෙන මුහුදු රළ සෙයින් ශරීරය පිනවමින් පැතිරැ බිඳෙයි. (මෙය ඔකඳකෙළි කෙළවන ක්‍ෂණික ප්‍රීතියට වඩා බලවත් එකකි.)
උබේබගපීතිය - එයටත් වඩා බලවත් ය. කය උඩගෙන ගොස් අහසෙහි නඟාපියන පමණට පමුණුවයි.
එරණ ප්‍රීතිය - උපන් කල සකල ශරීරය පිඹ පිරූ විතක් මෙන් ද, මහා ජල ප්‍රවාහයකින් පිරුණු පර්‍වත කුක්‍ෂියක් මෙන් ද, හාත්පසින් ස්පර්‍ශ කරන ලද්දේ වේ.

බෞද්ධ දර්ශනයේ ගැඹුරු කරුණු සාකච්ඡාවට ගැනෙන මෙම වැඩසටහනේ 11 දිනයේ 1 කොටස වෙන්වී තිබුණේ බෞද්ධ දර්ශනයේ සංඛාරස්ඛන්දය විෂයක්ෂේත්‍රයන් ඔස්සේය.

චමිත්‍රී රඹුක්වැල්ල මෙනවියගේ ගෞරවණීය ආරාධනය ලැබ ධර්ම දේශනාව සඳහා වැඩමවා වදාළේ අති පූජ්‍ය කොත්මලේ කුමාරකස්සප ස්වාමීන්වහන්සේය. මේ ධර්ම දානමය පුණ්‍ය කර්මය දැක බලා ඔබ සැමත් සැදැහැ සිතින් අනුමෝදන් වේවා!