กำแม่ - สุนทรี เวชานนท์

ตะวันส่องฟ้า ลุกมาอี่หล้าจะขวาย
เด็ดผักใส่ซ้าไปขายใจ๋อี่นายกาดจะวายเหียก่อน
ตะวันส่องฟ้า อี่หล้าแม่จะบอกสอน
แต่ก่อนตี้นาแม่หลาย ตึงงัวควายแม่มี

เมื่ออั้น อะหยังก็ดี ฐานะบ่มีขัดสน
อยู่กั๋นสามคน ป้ออุ๊ยแม่อุ๊ย

แต่มีป้อจาย เข้าอู้จา ประสาหนุ่มสาว
คนใหญ่อู้บ่ฟัง แม่ยังบ่ฮู้

ตะวันบ่ใส ได้อยู่กิ๋น หนี้สินเริ่มมี
เป๋นว่าเขาบ่ดี ตี้ป้ออุ๊ยแม่อุ๊ยเปิ้นเตือน

ตี้แม่เกยเบือนหน้าหนี แม่นี้บ่ฟัง
หลังจากวันนั้น วันบ่มีป้ออุ๊ยแม่อุ๊ย

เขาขายตี้ขายนา ขายงัวขายควาย
ขายหมดจนเสี้ยง ละแม่ฮื้อเลี้ยง
อี่นายลูกน้อย แล้วหายลับเลย

บ่เกยปิ๊กมา หันหน้า หันต๋า
แม่เซาะผักปลา หาเลี้ยงลูกมา (ซ้ำ * )

ตะวันส่องฟ้า ลุกมาอี่หล้าจะขวาย
เด็ดผักใส่ซ้าไปขายใจ๋อี่นาย กาดจะวายเหียก่อน

ตะวันส่องฟ้า อี่หล้า จำกำแม่สอน
กอนเมื่อสูใหญ่ขึ้นมา
กำอู้จ๋าวาจาป้อจาย เจื่อง่ายบ่ดี