عشان وطنك، عشان وطني | الكليب المنتظر 🇸🇩✌🏻 (With English Subtitles)

عشان وطنك، عشان وطني | الكليب المنتظر ✌🏻

السلام عليكم ..
كيف حالكم أهلي و ناسي ، ان شاء الله طيبين

ما ح أطول عليكم،

العمل ده اهداء من القلب للقلب ،
لكل سوداني و سودانية على هذه الأرض و بقاعها.

كذلك، لأغنية معروفة للغالبية و هي ليست لي،
بل لكورال المجموعة و قد تم ذكر الحقوق في الفيديو.

***** تعديل :

أخيرا ظهروا مؤديي الأغنية و ده لقيتو بوست في الفيس كالآتي ""

الاغنية كلمات ساريا محمد العاقب
الحان ابراهيم جماع
مهندس توزيع Mujtaba Al-seddig (استديوهات اصوات المدينة)

أداء : ( الترتيب بحسب ترتيب الأصوات في الأغنية)
Hmada Izz
وأحمد كابيلا
Ibrahemo Gamaa
SA R YA
Lana H. Haroun

و ايضا يوجد في المجموعة
نسيبة ادم الطيب
Ahmed Ibrahim

احب اشكر Osama Al Baloola على المساعدة في النشر و النسخة الطلعت من صفحته في النسخة الاكثر انتشارا و الحققنا بيها اعلى نسبة مشاهدات.. ""

** و أكيد، حلاالكم ف الشير و الإحتفاظ بيهو
و ليكم كل الحق في حفظ الفيديو و نشره.

الفيديو ده اخد مني اسبوعين و شوية،
عشان بس ارسم المشاهد و احركها تحريك طفيف
بالإضافة لتصميم و مونتاج الفيديو،
يعني باختصار إجتهاد شخصي.

كلي فخر بكم و ده أقل واجب تجاه الوطن،
و دمتم فخرا أبديا لهذا الوطن الغالي .. ✌

حتلقوا روابط التحميل للفيديو بعد الكلمات ::
مع أسم مؤدي كل مقطع فيها :

#المجموعة
عشان وطنك عشان وطني
عشان دمك عشان دمي
عشان روح الشهيد الفات
وشال همك وشال همي

Hmada Izz
عشان الخبز أصبح حلم
عشان بلدي البينزف دم
أحمد كابيلا
عشان الشيل تقيل والهم
اجيب من وين اجيب بي كم

Ibrahemo Gamaa
وفي المستشفي اخوي راقد
وللدم والعلاج فاقد
اقول اصبر واتحسبن
يموت واكون شاهد

SA R YA
عشان طالبنا بحقوقنا
اذونا واطلقو النيران
ولكنو الكريم فوقنا
بزيل الظلم والطغيان

Lana H. Haroun
ونسوان الفريق فزّن
امرقو امرقو سلمية
ولي ام الشهيد عزن
اخوك في الجنة يا بنية

احمد كابيلا

طلعنا نقولا كلمة حق
في وجه حكومة قمعية
في وجه انسان لمالنا سرق
باسم الدين وشرعية

#المجموعة
اكيد حنعود في يوم احرار
نبارك فرحة الثوار
ويمشي الليل ويبقي نهار
علامة النصر لينا شعار
✌️ سلمية ✌️

** روابط التحميل:

جودة 180p - 3gp بحجم 6.6 MB :

https://mega.nz/#!FqwRlSZZ!mDyzoui_JS...

جودة 360p بحجم 20.2 MB :

https://mega.nz/#!16QAyKyD!duraPFYPEW...

جودة 480 و 720 ما ضبطوا معاي .. 😑

و ده رابط اليوتيوب:
   • عشان وطنك، عشان وطني | الكليب المنتظر...  

#مدن_السودان_تنتفض
#تسقط_بس #drawing
#ثورة6أبريل #السودان
#سقطت_تب
#Sudan
#النصر_للوطن
#شهداءنا_ماماتو_عايشين_مع_الثوار
#مدنية
#لم_تسقط_بعد
#اعتصام_القيادة_العامة
#مليونية23مايو
#Internet_blackout_in_Sudan
#Access_now
#FreedomHouse
#Freedom_house
#Google_Open_Internet_For_Sudan
#Khartoum
#Sudan_Uprising
#Sudan_civil_disobedience
#HQ_massacre
#SudanUprising
#مجزرة_القيادة_العامة