របៀបចាប់ប្លង់ថតរូបងាយៗ ៤ របៀប ដើម្បីថតរូបភាពបានស្អាត | 4 Easy Photography Composition Rules

ច្បាប់នៃការចាប់ប្លង់ថតរូបងាយៗ ៤ របៀប ដែលអ្នកគួរយល់ ដើម្បីថតរូបឲ្យបានស្អាត។ 📸 🤳

១. ចែកប្លង់ថតជាបី (Rule of Third):
ចែកប្លង់ថតជាបីភាគបញ្ឈរ និងជាបីភាគផ្ដេក ហើយដាក់វត្ថុ ឬមុខមនុស្ស ដែលជាប្រធានបទសំខាន់នៃរូបភាពរបស់អ្នក នៅលើចំណុចប្រសព្វ មួយក្នុងចំណោម ចំណុចប្រសព្វទាំងបួន នៃខ្សែចែកប្លង់នោះ ដើម្បិឲ្យរូបភាពរបស់អ្នកមើលទៅមានភាពទាក់ទាញជាងធម្មតា។ បន្ថែមពីនេះ អ្នកក៏គួរចាប់ប្លង់ ដោយដាក់កន្លែងជួបគ្នារវាងផ្ទៃមេឃ និងដី ឲ្យស្របទៅនឹងខ្សែបន្ទាត់ចែកប្លង់ផ្ដេកជាបីនោះផងដែរ។

២. ចាប់ប្លង់​ឲ្យមានភាពស៊ីមេទ្រី (Symmetry):
រូបភាព ដែលមានភាពស៊ីមេទ្រី គឺ គួរឲ្យចង់មើល និងពេលមើលទៅមានលំនឹងល្អ។​ ដូច្នេះនៅពេលថតរូប ព្យាយាមរកប្លង់ណា ឲ្យថតចេញមក មានលក្ខណៈជាស៊ីមេទ្រី ដែលអាចជាស៊ីមេទ្រីបែបផ្ដេក ឬបញ្ឈរ។

៣. ប្រើប្រាស់ខ្សែ ដើម្បីដឹកនាំភ្នែកអ្នកមើលទៅកាន់ប្រធានបទសំខាន់ នៃរូបភាព (Leading Lines):
អ្នកអាចប្រើប្រាស់ខ្សែនៅក្នុងប្លង់ថតរូបរបស់អ្នក ដើម្បីទាញភ្នែកអ្នកមើល ពីគែមប្លង់ទៅកាន់មុខមនុស្ស ឬវត្ថុ ដែលជាប្រធានបទសំខាន់ក្នុងរូបអ្នក។ ខ្សែ ដែលបាននិយាយនោះ អាចជាផ្លូវថ្នល់ ផ្លូវរទេះភ្លើង ផ្លូវដើរថ្មើរជឹង ឬជាអ្វីក៏ដោយ ដែលមានរាងជាបន្ទាត់ ឬខ្សែ ដែលអ្នកអាចប្រើបាន។ វាអាស្រ័យទៅលើការប្រើប្រាស់ភាពច្នៃប្រឌិតរបស់អ្នកនោះទេ។

៤. ប្រើប្រាស់ស៊ុមនៅក្នុងប្លង់រូបភាពរបស់អ្នក (Frame within Frame):
ចុងបញ្ចប់ អ្នកអាចថតរូប​ របស់ផ្សេងៗ ដែលមានរាងដូចជាស៊ុម ដោយដាក់ប្រធានបទសំខាន់ក្នុងរូបថតរបស់អ្នក នៅក្នុងស៊ុមនោះ ដែលវាអាចជាបង្អួចឡាន បង្អួចផ្ទះ ទ្វារ ដើមឈើ ជាដើម។

=======================
រូបភាពដោយ/Photo by៖
- Bruna Bersch (FB Page: ប្រូ៊ណា Bruna Bersch)
- Sovanna Kem (FB Page: Sovanna Kem)
- STEP
-------------------------
#Photography #PhotographyTutorials
#OPPOPhotographyAcademy
#ShotbyOPPOReno10xZoom
.
.
.
.
.
Facebook:   / oppoacademykh  
Instagram:   / oppo_photographyacademy  
YouTube: OPPO Photography Academy