Скачать или смотреть "Poema e Mjerimit" - Migjeni - Mujasera Aliu, prof.

"Poema e Mjerimit" - Millosh Gjergj Nikolla - Migjeni

"Kafshatë që s'kapërdihet asht, or vlla, mjerimi,
kafshatë që të mbetë në fyt edhe të ze trishtimi
kur shef ftyra të zbeta edhe sy të jeshilta
që të shikojnë si hije dhe shtrijnë duert e mpita
edhe ashtu të shtrime mbrapa teje mbesin
të tanë jetën e vet derisa të vdesin..."

"...Mjerimi ka vulën e vet të shëmtueme;
asht e neveritshme, e keqe, e turpshme;
balli që e ka, syt që e shprehin,
buzët që më kot mundohen ta mshefin..."

"...Mjerimi punon, punon dit e natë
tu' i vlue djersa në gjoks edhe në ballë,
tue u zhigatun deri në gjujë në baltë
e prap zorrët nga uja i bahen palë-palë..."

Në vargjet e poemës kemi jo vetëm një përshkrim të lakuriqtë të mjerimit, por përmbajnë në vetevete dhe një ndjeshmëri të thellë të unit lirik, e cila arrin deri në shkallën e bashkëvuajtjes në mjerim. Poeti vuan nga të njëjtat dhimbje, që vuajnë dhe pjellat e mjerimit:

"….dhimba paduruese që të bajnë të çmendesh,
që t’apin litarin të shkojsh fill’e të varesh
ose bahe fli e mjerë e paragrafesh…"

Poeti ynë i çmuar nuk mbetet vetëm në konstatim, ai revoltohet dhe tregon të vetmen alternativë që ka për zhdukjen e mjerimit:

"...Mjerimi s’don mshirë. Por don vetëm të drejtë…"

Por, a kishte drejtësi në kohën e Ahmed Zogollit?!?, padyshim që Jo. A kemi drejtësi sot kur është në pyetje varfëria dhe ndarja e shoqërisë në klasa?!?, për fat të keq do të them sërish Jo dhe Jo!

Recitali që del nga gojët e njoma dhe të ëmbla të Gert Dervishit, Sara Alimit dhe Indrit Ipçes, I/1, është recital i përkryer, recital që ta rrënqeth trupin, jo vetëm nga përmbajtja e poemës, por nga vetë ritmi, melodiciteti që ato që me mjeshtri e futën në fuqinë e tyre shprehëse. Ju lumtë!


Falemnderit për shikimin,
@mujaseraaliu7995