Скачать или смотреть ԱՆԴՐԱՆԻԿ ԵՓՐԵՄԻ ՍՏԵՓԱԱՆՅԱՆ (Աշուղ Անդիկ)1917-1990

Ապարանն ավելի բարձր աստիճանի բանաստեղծական երկիր է․․․
Մարդն աշխատող է, կոշտ է, կոպիտ ու բիրտ, սակայն բանաստեղծական հոգի ունի։ Զարմանալի է ապարանցու մեղեդական ընդունակությունը։ Չամռլու-քասախցիներից շատերը բանաստեղծներ և աշուղներ են, որոնց մեջ առանձնահատուկ աչքի էր ընկնում աշուղ Անդրանիկը։ Ապարանում գրեթե բոլորը գիտեին նրան, շատերն էլ պարծենում էին, որ իրենց հարսանիքներն ու խնջույքները ծաղկեցրել է աշուղ Անդիկը։
Դեռ մանկուց նա հայտնի էր իր քաղցր ձայնով և զվարճակի հանգավոր խոսքով, որոնք բերնեբերան տարածվում էին գյուղում և այլուր․․․
Մեկը հարս է ուզում, որը ամուլ էր և մի քանի ամիս հետո նրան ուղարկում են հոր տուն․
Տղեն կարգեց Սելվոր Անդիկ,
Հարս չմնաց չուրի զատիկ․․․
Մեկը հարս է ուզում, բերում տուն, բայց նույն գիշերը հարսը փախչում է սիրածի հետ ու էստեղից ծնվում է դիպվածը․
Ուստա Կարոն կարգեց տղեն,
Հարսը գիշեր փախավ գեղեն․․․
Երեք եղբայրները հոր մահից հետո ունեցվածքը բաժանում են ։ Փոքր եղբայրը թույլ է լինում, նրան տալիս են մի փոքր մարագ, կիլոկես կարագ, և մի քրքրված վերմակ․ ծնվում է երգը․
Տվին կիլոկես կարագ,
Եվ մի քրքրված վերմակ,
Անտունուտեղ յարո ջան,
Քոչինք էրթանք մարագ։
Դառն է եղել աշուղ Անդիկի կյանքը։ Երեք տարեկան հասակում ծաղիկ հիվանդությունը խլեց նրա աչքերի լույսը։ Սակայն բնությունը նրան օժտել էր ստեղծագործելու և երգելու ունակությամբ։ Նրա երգերում և խաղերում փառաբանվում է ազնիվ, արդար աշխատանքն ու վաստակը, իր ճակատի քրտինքով ապրող աշխատավոր մարդը․ միաժամանակ խարազանում է ձրիակերներին և պորտաբույծներին , շահամոլներին և ալյ մոլորությունների տեր մարդկանց։
Թեմատիկայի կատարման ձևի վարպետությամբ աչքի են ընկնում նաև երգիծական-կենցաղային երգերը․ Այդպիսի թեմատիկայով է գրված հռչակավոր §Եղիկ¦ հումորային, ժամանակին նեղ բարքերը քննադատող ստեղծագործությունը․(եղիկը 15-20 հասկից բաղկացած ցորենի փունջ է)․
Երևանից հայրենի գյուղ գալուց գյուղի մի քանի երիտասարդներ նրան եղիկի զարդարված մի փունջ են տալիս։ Ճանապարհին նրան բռնում է գյուղի պահեստապետը , երիտասարդ կոմունիստ Հենդոն և փունջը ձեռքից վերցնում տանում է կոլտնտեսության գրասենյակ․ այդ պատճառով եղբորը մեկ աշխօրից զրկում են ․․․
Ու ծնվում է երգը․․․
Ստորև տեղադրում ենք երգի իրական տարբերակը՝ հենց Անդիկի կատարմամբ․