浪漫勇士捧覺士盾 | 劉栢輝冠軍人馬獎頒獎禮豪言壯志 | 一講遠征澳洲全場拍掌 | 沈集成麥道朗捧盃賽後感言 | Cox Plate ROMANTIC WARRIOR | James McDonald

#浪漫勇士 #麥道朗 #沈集成 #覺士盾 #劉栢輝 #ROMANTICWARRIOR #JamesMcDonald #horse #hkracing #hkhorseracing #hkhorse

香港最佳中長途馬「浪漫勇士」10月28日於滿利谷馬場出戰正本戲一級賽2040米覺士盾，在麥道朗神級發揮下，終點前最後一步影贏由韋紀力策騎的「樂觀派」，勇奪覺士盾，為港爭光的同時，亦贏得千五萬港元的頭馬獎金。這是香港賽駒首次贏出覺士盾，過去「翠河」、「勝威旺」及「風雲小子」先後參戰這項澳洲大賽都是無功而還，「浪漫勇士」今次一戰功成，令人振奮。馬主劉栢輝更是夢想成真，實在激讚！

在今年7月冠軍人馬獎頒獎禮上，「浪漫勇士」榮膺最佳中距離馬，劉栢輝在頒獎台上已明言愛駒將於10月踏入強勁的第一步，要「衝出香港挑戰國際」，這番豪言壯志，隨即惹來全場掌聲！如今「浪漫勇士」如願捧走覺士盾，就是對劉栢輝的最佳回報。

當「浪漫勇士」捧盃後，成哥賽後歡喜若狂，佢先要感謝劉栢輝讓「浪漫勇士」征戰澳洲，同時亦要多謝麥道朗、馬房團隊、同埋所有喺香港為佢哋打氣嘅馬迷。成哥講呢場勝仗，對佢嚟講意義非常大，高興程度難以形容。佢喺賽前係有信心「浪漫勇士」可交出好表現，馬兒亦係不負所託，成功克服所有挑戰、難關，贏得覺士盾，寫下香港馬壇歷史一頁。

去年憑「愛禮物」首次捧走覺士盾嘅麥道朗，今次夥拍「浪漫勇士」成功衛冕，可謂別具意義，因為佢曾向幕後團隊提過，如果「浪漫勇士」嚟澳洲跑覺士盾，一定啱馬兒跑，而家捧盃，一切都係歸功於馬主劉栢輝同埋沈集成，香港賽事獎金非常高，佢哋須要極大勇氣，以決定派馬遠征海外。

麥道朗講今場跑到1000米或1200米時，佢將「浪漫勇士」收慢一點，就係勝負關鍵，馬兒可留力喺最後階段再加速多一個馬位嘅距離，得而險勝「樂觀派」奪標，締造歷史。