Скачать или смотреть ងាយៗដៅទីតាំងនៅលើ Google Map

ដៅទីតាំងលើផែនទី Google map
វីដេអូនេះខ្ញុំនឹងធ្វើការបង្ហាញពីរបៀដៅទីតាំងរបស់ខ្ញុំនៅលើផែនទី Google ដើម្បីងាយស្រួលអតិថិជន របស់ខ្ញុំស្វែងរកទីតាំងលក់ទំនិញបានដោយងាយស្រួល
ទី១ បងប្អូនបើកកម្មវិធី Google Chrome
-បន្ទាប់មកចុចត្រង់ បញ្ជីកម្មវិធីរបស់ Google (Google App)
-រួចជ្រើសរើសយកផែនទី (Map)
-បន្ទាប់មកទៀតធ្វើការកំណត់ការបង្ហាញជាប្រភេទ satellite ដោយចុចត្រង់ Layer ជ្រើសរើសយកពាក្យថា Satellite
ទី២ គឺស្វែងរកទីតាំងដែលយើងចង់ដៅនៅលើផែនទី
-ចុចត្រង់សញ្ញាបង្ហាញ GPS ដើម្បីបង្ហាញទីតាំងដែលយើងកំពុងស្ថិតនៅ (តាមពិតទៅបើយើងចង់ដៅទីតាំងដែលយើងកំពុងនៅតែម្តងគឺងាយស្រួលណាស់គឺគ្រាន់តែចុចសញ្ញាមួយនេះហើយគឺវាបានមកដល់ទីតាំងជាក់ស្តែងតែម្តងដោយមិនបារម្ភខ្លាចខុសឬល្អៀងទីតាំងនោះទេ) តែករណីនេះខ្ញុំនឹងដៅទីតាំងផ្សេងដែលនៅក្នុងតំបន់ក្នុងឃុំផ្សេងមួយទៀត។ អញ្ចឹងខ្ញុំគ្រាន់តែស្វែងរកឃុំ ដោយវាយបញ្ចូលឈ្មោះឃុំក្នុងប្រអប់ស្វែងរក។
ខ្ញុំវាយពាក្យថា ឃុំត្រពាំងស្រែ
នៅក្នុងខ្សែបន្ទាត់ដាច់ៗនេះគឺជាឃុំត្រពាំងស្រែ ចឹងខ្ញុំពង្រីករកខ្សែផ្លូវដែលត្រូវដៅ
នេះគឺជាផ្លូវកែង ផ្លូវធំឡើងទៅផ្លូវជាតិលេខ១ ចុះមកកើតនេះមកគឺភូមិព្រៃគុយមកអោយផុតភូមិមកមានផ្លូវតូចមួយទៅភូមិផ្សេងទៀត មកកើតបន្តិចទៀតទល់មុខប្រឡាយទឹកនេះគឺជាដីស្រែខ្ញុំដែលគម្រោងបើកលក់ដូរ។
បាទនេះគឺជាទីតាំងដែលខ្ញុំចង់ដៅនៅលើផែនទី។ បន្ទាប់ពីរកឃើញទីតាំងនៅលើផែនទីហើយ ដល់ចំណុចទី៣ គឺដៅផែនទី។
ទី៣ ការដៅផែនទី
យើងគ្រាន់តែចុចលើទីតាំងដែលចង់ដៅ បន្ទប់មក Right Click ឬចុចMouse ខាងស្តាំបន្ទាប់មកជ្រើសរើសយកពាក្យ Add missing place។
ទំរង់បំពេញស្នើសុំ បន្ថែមទីតាំងឬ Add place នឹងលោតមក ។ យើងគ្រាន់តែបំពេញវាមកជាការស្រេច។
-យើងវាយបញ្ចូលឈ្មោះទីតាំង
-ប្រភេទទីតាំង (មានច្រើនប្រភេទស្រេចតែយើងជ្រើសរើសទេ បើហាងកាហ្វេ លក់បាយម្ហូប ការ៉ាស់ជួសជុលឡាន យើងជ្រើសរើសតាមដែលយើងចង់បានទៅ។ ខ្ញុជ្រើសរើសយក Wholesaler (មានន័យថាអ្នកលក់បោះដុំ)
-បន្ទាប់មកវាយបញ្ចូលអាស័យដ្ឋាន
-តមកទៀត យកអាចកំណត់ម៉ោងបិទបើកអាជីវកម្មហ្នឹងថាបើកដំណើតការថ្ងៃណាខ្លះ ពីម៉ោងប៉ុន្មានដល់ម៉ោងប៉ុន្មាន។ ចំណុចនេះវាងាយស្រួលដល់អ្នកដំណើរដែលចង់រកសេវាកម្មផ្សេងៗតាមផែនទី។
-ចំណុចបន្ទាប់បងប្អូនអាចវាយបញ្ចូលលេខទំរស័ព្ទទំនាក់ទំនង
-ចុងក្រោយបើអាចមានរូបថតដាក់បញ្ចូលទៀតកាន់តែល្អ។
បន្ទាប់ពីបំពេញរួចរាល់បងប្អូនអាចចុចពាក្យថា Submit ដើម្បីស្នើទៅកាន់ក្រុមហ៊ុន Google។
អ្វីដែលយើងត្រូវធ្វើបន្ទទៀតគឺរងចាំការ approve ឬយល់ព្រមពីក្រុមហ៊ុន Google តែប៉ុណ្ណោះ។ ក្រុមហ៊ុន Google នឹងធ្វើការអនុញ្ញាតិ ប្រើសិនបើការដៅរបស់យើងបានត្រឹមត្រូវ។

IT Support Cambodia is a YouTube Chanel in Cambodia. The purpose is to share knowledge and help everyone as possible. in this channel has videos content such as IT Support Technical, IT Networking, Internet security, computer, smart phone technical IOS and android tip and trick. Facebook messenger telegram YouTube tip and trick, solution.