Azərbaycanda pensiya düzgün hesablanmır - Azı 602 manat olmalıdır - APA TV

#APATV #pensiya #pensiyaödənişi #əməkpensiyası #sosial #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023

Azərbaycanda pensiya düzgün hesablanmır - Azı 602 manat olmalıdır - APA TV

Sosial normativlər hər il dəyişsə də, Azərbaycanda əmək pensiyaları illərdir ki, eyni rəqəmlə hesablanır. “Əmək pensiyaları haqqında Qanun”un 10-cu maddəsinə əsasən, vətəndaşın işlədiyi dövrdə fərdi hesabına yığılan pensiya kapitalını gözlənilən pensiya ödənişi müddətinə bölüb pensiya məbləğini təyin edirlər. Gözlənilən pensiya ödənişi müddəti isə gözlənilən orta ömür müddəti uzunluğu ilə pensiya yaşı arasındakı fərqdir. Dövlət Statistika Komitəsinin açıqladığı sonuncu məlumata görə, Azərbaycanda gözlənilən orta ömür müddəti 73,6 ilə bərabərdir. Hazırda pensiya yaşı da ortalama 64-ə bərabərdir. Burdan belə görünür ki, gözlənilən pensiya ödənişi müddəti 9,6 ilə bərabər olur. Lakin pensiya hesablanan zaman pensiya ödənişi müddəti 144 ay, yəni 12 il olaraq qəbul edilir. Və son 17 ildə gözlənilən pensiya ödənişi müddətində heç bir dəyişiklik edilməyib. Ancaq qeyd etdiyimiz kimi, Dövlət Statistika Komitəsinin məlumatlarından açıq şəkildə görünür ki, Azərbaycanda gözlənilən pensiya ödənişi müddəti dəyişilir.

İqtisadçı ekspert Allahverdi Aydın 1959-cu ildə doğulmuş, yəni 64 yaşı bu il tamam olan şəxsi məsal göstərərək, onun əmək pensiyasını qanunvericilikdə nəzərdə tutulduğu kimi hesabladı.

Ekspertlərin sözlərinə görə, əslində pensiya yaşının 65 göstərilməsi Qərbi Avropanın inkişaf etmiş ölkələrinin praktikasıdır. Azərbaycanda anadan olanda gözlənilən ömür müddəti 73-74 yaş arasıdır, Qərbi Avropada isə bu 80 yaşın üzərindədir. Bizdən azı 9-10 il daha çoxdur. Bu isə o deməkdir ki, vətəndaşlarımızın pensiyaya çıxandan sonra indiki halda ortalama 7-8 il pensiya almağı gözlənilirsə, Qərbdə 65 yaşında pensiyaya çıxan şəxs 17-18 il pensiya alacaq.

Ekspert Xalid Kərimli bildirir ki, indiki halda pensiya yaşının 60-da saxlanılması daha ağlabatan idi.

Bəs sosial normativlər dəyişsə də, gözlənilən pensiya ödənişi müddəti illərdir niyə eyni rəqəmlə hesablanır? Təəssüf ki, bir həftədən çox çalışsaq da, Əmək və Əhalinin Sosial Müdafiə Nazirliyindən sualımıza cavab ala bilmədik. Odur ki, mövzuya yenidən qayıdacağıq.


AYNUR QARA
FARİZ QULİYEV
HƏZRƏT BAYRAMLI
APA TV



✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]