مجرور حجازي I لكم صدر المكان I محمد العميشي & متعب بن دخنة .2024

كلمات: تركي الصخري.
اداء: محمد العميشي.
اداء: متعب بن دخنه.
تسجيل ومكس: محمود عبدالعظيم.
تصميم: هيثم الخضيري.

الكلمات:

سرى ليل القصيد اللـي عليه الصفّ يتثنا
من البحر الطويل اللـي تهيض القلب قيفانه

ترى ماكل من غنا ..يمسّ القــاف لا غنا
والا كل الطروق اللـي تمرّ السمع فنانه

هلا يامرحبا والرحب ما يبطي ويتونا
تراحيبا نرددها على الضيفان عجلانه

على طيب النبا عدّوا وريح الهيل والبنا
يعجّ العود الأزرق .. والدلال الصفر مليانه

لكم صدر المكان وقدركم بصدورنا حنا
وشعر المدح فيكم.. من يزاعم عند ضيفانه؟

عوايدنا نبدّي ضيفنا بحلالنا.. عنا
ولا نرضى تجيه الكلمه اللـي مالها خانه

لنا الترحيب والباقي عطا لضيوفنا منا
على سلم الجدود اللـي بحق الضيف مدّانه

جزاه الشكر والعرفان من بارك ومن هنا
ومن يتعب على شأن الوفــا نتعب على شأنه

لفانا من بعيد الدار للمقدار واتعنا
ولا طاوع ظروفه لو جزيل العذْ بلسانه

ولا يا اهل الصفى واللعب واهل الذوق والفنا
نبي الصفّين مادام السلا مفتوح ميدانه
#مجرور #محمد_العميشي