Скачать или смотреть CHAKKANI GUNAVANTHUDU / చక్కనిగుణవంతుడు/AAV 36/ANANDA BHATTAR/PRIYA SISTERS/KAAPI

#CHAKKANIGUNAVANTHUDU_SARINEEKU_MAGADAYA
ANNAMAYYA AKSHARA VEDAM EPISIDE 36 ANANDA BHATTAR/PRIYA SISTERS/KAAPI

అన్నమయ్య అక్షర వేదం ..సంపుటి -- 36
( #చక్కనిగుణవంతుడు_సరినీకుమగడాయ.... )

🙏 *ఓం నమో వేంకటేశాయ*.🙏
అందరికీ శుభ శనివారము --- ✍️ మీ వేణుగోపాల్

అన్నమయ్య అక్షర వేదం ..సంపుటి -- 36 కి శుభ స్వాగతం ..✍️ మీ వేణుగోపాల్

*ఓం శ్రీ మహాలక్ష్మైచ విద్మహే*...🌹
*విష్ణుః పత్నైచ ధీమహి*...🌹
*తన్నో లక్ష్మీ ప్రచోదయాత్*...🌹

అష్టైశ్వర్య సిధ్ధికి అధి దేవత అయిన్నప్పటికీ ,
ఆ సిరుల తల్లి శ్రీ మహా లక్ష్మి ,
తన అస్థిత్వమును విష్ణు పత్ని గానే ,
సదా భావించుకుని పరవశిస్తూ ఉంటుంది .
ఆనందముగా ఈ జగమును పాలించు చున్నది .🙏🙏

ఆ శ్రీ మహా విష్ణువును పతి గా పొందుటకు ,ఆ సకల గుణాభిరాముడయిన నారాయణుని పొందుటకు ఎన్ని తపములు చేసెనో కదా ,ఎంత పంతము పూనెనో కదా,
ఎన్ని కోరికలతో కలలు కనెను కదా , 🙏🙏

"" సరి , అవి అన్నియూ , ఫలియించిన సమయము వచ్చినది .
నారాయణుడు నిన్ను చేపట్టి నిన్ను అఖండ సౌభాగ్యవతిని చేయు ఘడియ రానే వచ్చినది ,""
అని హృద్యంగా విన్నవిస్తున్నాడు అమ్మకు ప్రేమతో అన్నమయ్య ఈ కీర్తనలో .🙏🙏
మరి ఈ వారము ఆ మధుర కీర్తన అర్ధ విశేషమును గ్రహించి , భక్తితో విందాము , పాడుకుందాం.

🌺🌺 *అమ్మా*!!
సకల సద్గుణ సంపన్నుడయిన , సుందరాంగుడైన శ్రీమన్నారాయణుడు నీకు భర్తగా లభించాడు.
ఇంతటి సౌభాగ్యమును సొంతము చేసుకున్న నిన్ను , నీ అదృష్టాన్ని ఏమని చెప్పగలం, పొగడగలం , అమ్మా !!🌺🙏

🌺 ఓ చక్కని చుక్క !!
స్వామిని పొందుటకు ఎన్ని నోములు నోచితివో కదా .
నీవు నోచిన నోములన్నీ ఫలియించే సమయము వచ్చెను.
స్వామిపై ప్రణయముతో నీవు కన్న కలలు అన్నీ నిజమయ్యే సమయము వచ్చేసింది కదా .🌺🙏

🌺 ఓ పడతి !!
నీకు అనుకూలమైనవాడు నీకు పతి గా లభించాడు .
శకునములు అన్నీ శుభములనే సూచిస్తున్నాయి .
నీవు మనసులో తలచినంత మాత్రముచే నీ విభుడు నీ చెంత వాలి పోవు అదృష్టము నీకు కైవసమయ్యె కదమ్మా.🌺🙏

🌺అనాదిగా నీవు చేసిన పూజలు అన్నీ ఇక చివరకు వచ్చేసాయి .నీవు కోరిన కోరికలన్నియూ తీరు సమయము రానే వచ్చింది .🌺🙏

🌺శ్రీ మన్నారాయణుడినే పతిగా పొందాలి అన్న నీ పంతమును నెగ్గించి ,
నీకు విజయానందమును ఒసగుటకు ,
నీ రమణుడు నీ ఎదుటనే వచ్చి నిలబడి ,
చేయి అందించినాడు కదా ...ఏమి నీ సౌభాగ్యము .🌺🙏

🌺 ఓ అలివేణి !!
నీవు స్వయముగా ఏరికోరి ఎంచుకున్న స్వామిని ,
పొందిలి అన్న , నీ తపస్సు నెరవేరి స్వామిని పొందగలిగావు అనటానికి దృష్టాంతములు ,
మాకు అనేకముగా ప్రమాణములుగా గోచరిస్తున్నాయి .🌺🙏

🌺స్వామికి దేవేరివి అయినావు . ఇక నీవు సామ్రాజ్గ్నివి తల్లి .
శ్రీ వేంకటేశుడు నిన్ను చేపట్టుటకు రానే వచ్చాడు తల్లి .
నీకు సకల శుభములు కలుగు గాక.
నీవు స్వామికి సకల శుభములు చేకూర్చు గాక .
మీరు ఇరువురు నిత్య కళ్యాణ మూర్తులై ,
సంతోషముగా మా అందరికీ శుభములు కలుగు చేయుదురు గాక .🌺🙏

తాత్పర్య సహిత దృశ్య మాలికగా మీకు అందించాలన్న
నా చిన్న ప్రయత్నమును ఆశీర్వదిస్తారని ఆశిస్తూ..
దోషములున్న...మన్నించమని విన్నపము...🙏

( *అన్నమయ్య అక్షర వేదం --- సంపుటి 36*)
-- ✍️ మీ వేణుగోపాల్

🌺🌺 *సంకీర్తన*🌺🌺

పల్లవి:
చక్కని గుణవంతుడు సరి నీకు మగడాయ
యెక్కువైన నీభాగ్య మేమని చెప్పుదమే
చ.1.
నెలత నీనోములు నేడే ఫలియించె గదే
కలలు నీకిపుడె నిక్కలలాయెనే
పలికిన సగినాలు పతి వచ్చె గదవే
తలచగానే విభుడు తానే ఇందు వచ్చెను
||చక్కని||

చ.2.
తొల్లిటి మీ పూజలు తుదకెక్కె గదవే
యెల్లగా నీకోరికలు యీడేరెనే
చెల్లుబడి నీ పంతము చేకూరె గదవే
యిల్లిదివో నీరమణు డెదుటనున్నాడు
||చక్కని||

చ.3.
నీ వెంచిన యెన్నికలు నెరవేరె గదవే
కావలసినవి తారుకాణలాయెనే
దేవులవయితివి వావి దిష్టములాయ గదవే
శ్రీవేంకటేశుడు నిన్ను జేకూరినాడు
||చక్కని||