شقيق سعود - كلمات سلطان بن وسام اداء بندر بن عوير | 2023

بندر بن عوير شقيق سعود حصرياً | 2023
:
أهداء من شاعر العرب سلطان بن وسام الهاجري
إلى صاحب السمو الملكي الامير فيصل بن عبدالرحمن بن عبدالعزيز آل سعود
:
ابدا بذكر الواحدالمعبود
رجاي فيه وخشيتي منه

ياونة الفاقد على المفقود
عينه تثج الدمع وتـكـنّـه

فقدت لي من محزمي عبرود
مافيه لاهنه ولا ونّه

الياذكرته والجموع حشود
اسرج حصان العز وآعنّه

عزاي فيه انك معي موجود
ظل وذرا عن لاهب الكنه

ياتاج راسي ياشقيق سعود
يالله لعل سعود فالجنّه

انطح بك وجيه الليال السود
تطري علي وارهي عليهنه

ياسيدي فيصل وفاك يزود
من ظن فيك تجي ورا ظنه

طاري سموّك مثل دهن العود
على القصيد يصير له خـنّـه

من يحتزم بك ياحفيدالعود
محدن يلومه لاضحك سنه

شامخ طوال الوقت مثل الطود
هوج الهبايب مـا يهزنّـه

بين الضلوع من الصخرجلمود
اقسى من الجلمود لـكـنّـه

الطف من النسمه على المضهود
اللي يـونّ ويـردف الـونّـه

بشتك ذرا للضايق المحدود
تساعد المحتاج وتحنه

يدينك اكرم من هبوب النود
ما تلحق المدات بالمنه

قضيت من عمرك ثلاث عقود
والمدح ماعنّك و لا عـنّـه

عدًّ عليه المسلمين ورود
مثل الزمل لاجالها حنه

هداج تيما صافي القرهود
حتى وحوش البر يردنّه

اسد ورابي في عرين اسود
اسامي جدودك لها رنّه

يوم انها بالملح والبارود
والخيل باهل الخيل مستنّه

فرسانها لبّاسة الماهود
كمً زعيمن قد توطّنه

ياسيدي فيصل علي منقود
لو ما اصخر الادغام بالغنّه

ماهو لجل راع العيون السود
اللي خلاخيله لها رنه

لا والله الا في سليل الجود
اللي عساني ماخلا منه

المدح في مثلك بدون قيود
ماقبله الا الفرض والسنه

هذي تراها ميزة ال سعود
اسمً بيوت الشعر يـهونّـه

يقولها اللي بالولاء مشهود
ويهيم فيهم من صغر سنّه