BE 128 DITANDA DEBATANTA

#be128
BE 128 DITANDA DEBATANTA
Ditanda Debatanta na di Ibana i.
Na metmet nang na balga di nasa bangso i.
Ndang mago loasonNa nang sada sian i.
Ditogu do sudena tu hasonangan i. Ditogu do sudena tu hasonangan i.

Ditanda do nasida dibaen porsea do.
Nasida di hataNa naung tu nasida ro.
I do hangoluanNa, i do guruNa i.
Laos i do sinjatana mangalo dosa i. Laos i do sinjatana mangalo dosa i

Ditanda do nasida dibaen mangkirim di
na pinarbagahonna tongtong rohana i.
Sai saut do bahenonNa sude hataNa i.
I do sitioponna ro di ajalna i.
I do sitioponna ro di ajalna i.

Ditanda do nasida dibaen holong sude
rohana di Ibana nang di donganna pe.
Ai i do na mandasdas nasida sai tongtong
asa tung dipatolhas patikNa i sintong,
asa tung dipatolhas patikNa i sintong.

Sai songon i ditanda Tuhanta jolma i
na mangoloi hataNa di nasa bangso i.
Haporseaon i do partinandaan i.
Padohot pangkirimon nang haholongon i.
Padohot pangkirimon nang haholongon i.

Musik by St Drs Nurdin Doloksaribu MSi from Musik Box Gereja

Kindly Subscribe-Like-Comment.
Terima kasih banyak.
🙏🙏🙏