Abir Gulal by Mr. Parshuram Mahant / अबीर गुलाल उधळीत रंग - श्री. परशुराम महंत

अबीर गुलाल उधळीत रंग। नाथा घरी नाचे माझा सखा पांडुरंग॥
-------------------------------------------------------------------------------------------------------
आज सकाळी अभंगाचे सूर कानावर पडले...आधी वाटलं कुठेतरी स्पीकर्स लावलेत! नंतर लक्षात आले खाली सोसायटीच्या गेटजवळ दोघे जण गाताहेत...एकाच्या गळ्यात संवादिनी, दुसर्‍याच्या गळ्यात तबला !!

त्यांचा अल्पपरिचय झाला, तो असा -
दोघांपैकी एकाचे नाव परशुराम महंत. मूळ कानडी. सध्या कात्रजला (पुणे) रहातात. अभंग / भजनाचा २-३ तासांचा कार्यक्रम करु शकतात.

संपर्क - ९९७०२-४८५१४ (99702-48514)

कृपया तुमच्या मित्रमंडळींना कळवा / share करा !!!
-------------------------------------------------------------------------------------------------------
अबीर गुलाल उधळीत रंग।
नाथा घरी नाचे माझा सखा पांडुरंग॥

उंबरठ्यासी कैसे शिऊ आम्ही जातिहीन|
रूप तुझे कैसे पाहू त्यात आम्ही लीन|
पायरीशी होऊ दंग गावूनी अभंग॥

वाळवंटी गावू आह्मी वाळवंटी नाचू।
चंद्रभागेच्या पाण्याने अंग अंग न्हाऊ।
विठ्ठलाचे नाम घेऊ हो‌उनी निसंग॥

आषाढी-कार्तिकी भक्तजन येती।
पंढरीच्या वाळवंटी संत गोळा होती।
चोखा म्हणे नाम घेता भक्त होती दंग॥