Скачать или смотреть “Тригонометрия формулалары” Есенаманова Әлия Асылжанқызы

“DIGITAL IFM: Болашақты бірге жасаймыз” апталығы аясында 9 “В” сыныбында алгебра пәнінен «Тригонометрия формулалары» тақырыбында ашық сабақ өтті. Пән мұғалімі – Есенаманова Әлия Асылжанқызы.
Сабақтың мақсаты – оқушылар есеп шығаруда бұрыштардың қосындысы мен айырымының, жарты және қос бұрыштың тригонометриялық формулаларын қолданады;
Сабақтың әдіс-тәсілдері:
– Топқа бөлу – Qazmath платформасы арқылы;
– Өткен сабақты қайталау – Educaplay сервисінде интерактивті тапсырмалар орындау;
– «Пазл» әдісі – формулаларды құрастыру (топтық жұмыс);
– Жұптық жұмыс – формулаларды есептерде қолдану;
– Сергіту сәті – «Тригонометрияны жақсы көрудің 7 себебі»;
– Кері байланыс – Suno жасанды интеллект мүмкіндігі арқылы рефлексия жасау.
Сабақ барысында оқушылар қосу және айыру формулаларын, қос және жарты бұрыш формулаларын қайталап, практикалық тапсырмалар арқылы білімдерін бекітті. Топтық талқылау кезінде формулалар арасындағы байланысты анықтап, бірін-бірі бағалау дағдыларын көрсетті.
Сабақ заманауи цифрлық ресурстарды тиімді қолдану арқылы мазмұнды әрі тартымды өтті. Оқушылардың пәнге деген қызығушылығы артып, математикалық сауаттылығы нығая түсті.
Білімді ұрпақ – жарқын болашақ негізі!