Скачать или смотреть Gara per kryeminister ne PS, komentet e shtypit per kete gare - (18 Gusht 2001)

Lajme Arkiva - TV Klan 2001

Ditët e fundit, gara për kryeministër brenda radhëve të Partisë Socialiste, ka marrë përmasa acaruese sidomos në shtypin e shkruar. Ditë më parë përplasja mediatike bëhej mes Nanos e Metës, por pas vajtjes së kryetarit për kurim në Athinë, Malaj i cili nuk kishte më shpresa tek ndihma e Nanos, filloi të sulmojë në gazetë zëdhënësin e kryeministrit Meta. Ndërkohë shtypi i pavarur e ka akuzuar zotin Malaj, si përfituesin e disa milionave nga paratë e piramidave gjatë periudhës së trazirave në Vlorë, të marra këto nga firmat piramidale “Cenaj” dhe “Kamberi”.

Nga ana tjetër edhe kryeministri Meta është sulmuar për qeverisje me dorë të fortë dhe për shkarkime të disa ministrave apo shumë drejtorëve të drejtorive nëpër ministri, sidomos ato të rrugëve. Në vëmendje të kritikave të kësaj jave ka qenë edhe kryetari socialist Fatos Nano. Ai u akuzua fillimisht për teorinë e kontrollit të qeverisë nga partia, por më pas për bllokim të zgjedhjes së kryeministrit pas kërkesës për shtyrje të mbledhjes të KPD-së.

Benzi 350 milionësh i Nanos nuk mbeti pa u diskutuar pas përplasjes së tij në Tepelenë. Kësaj gare i ka kushtuar një vëmendje të veçantë edhe shtypi kosovarë. Pothuajse në të gjitha gazetat e Prishtinës, Ilir Meta konsiderohet kandidatura më e fortë dhe më e mbështetur si nga socialistët ashtu edhe nga perëndimi./tvklan.al

Gazetare – Ornela Bego


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/