Скачать или смотреть پلاستیک؛ دووژمنی ژینگە و کەشوهەوا

ماددەی پلاستیک یەکێکە لەو پێکهاتانەی کە پیشەسازی ئەمڕۆی جیهان پشتی پێدەبەستێت بۆ بەرهەمهێنانی کاڵا جۆراوجۆرەکان.

پێکهاتە پلاستیکییەکان لە مادەی هایدرۆکاربۆنی درووستدەکرێت کە لە گازی سرووشتی، نەوت و خەڵوز دەستەبەر دەکرێت.

لەسەدا 80ی کاڵاکانی جیهان دەکرێت لەدوای بەکارهێنانیان بتوێنرێنەوە و دووبارە بەکاربهێنرێنەوە، بەڵام تەحەدای گەورە لە تەکنەلۆجیا پێویستە بۆ دووبارە بەکارهێنانەوەی ماددە پلاستیکییەکان کە تەکنەلۆجیایەکی ئاڵۆز و گرانە، ئەوەش وا دەکات لەڕووی ئابوورییەوە، بەکارهێنانی پلاستیکی نوێ هەرزانتر و بەسوودتر بێت بۆ کارگەکان.

ئەوەش وایکردووە، زۆربەی کاڵا پلاستیکییە بەرهەمهێنراوەکان بەکارنەهێنرێنەوە و فڕێبدرێن و ژینگەش بەو جۆرە پیس دەبێت بەتایبەتی هەندێ پێکهاتەی پلاستیکی هەن کە پێویستیان بە زیاتر لە 400 ساڵە تاوەکو کاریگەرییان لەسەر ژینگە نامێنێت.

بە تەماشایەکی بەراوردکارانە لە بڕی پلاستیکی بەرهەمهێنراو لەماوەی نزیکەی 70 ساڵی رابردوودا لە جیهان دەردەکەوێت.

لە ساڵی 1950دا ساڵانە بڕی دوو ملیۆن تۆن لە پلاستیک لەسەر ئاستی جیهان بەرهەمهێنراوە. لە ساڵی 2018دا ئەو ژمارەیە خۆی دا لە 400 ملیۆن تۆن لە پلاستیک.

ئێستا لەسەر ئاستی جیهان تەنیا یەک لەسەر پێنجی پلاستیکی بەرهەمهێنراو، دووبارە بەکاردەهێنرێتەوە.

ئەم بەڵگەفیلمە لەساڵی 2013 بەرهەمهێندراوە و دەرهێنەرەکەی سەروەر محەممەد ئەمینە