GD權志龍型爆訪港 周潤發驚喜自拍被質疑背光 發揮搞笑本色：你識條鐵咩！

GD權志龍型爆訪港 周潤發驚喜自拍被質疑背光 發揮搞笑本色：你識條鐵咩

國際知名品牌喺香港舉行最新一季春夏時裝騷，大會廣邀世界各地名人明星參與，時裝騷分兩場進行，夜晚場更係巨星雲集，當中喺嘉賓名單以外嘅發哥周潤發驚喜現身，旋即掀起現場高潮。

一身學院風打扮嘅發哥同發嫂恩愛出場，發哥大派心心，又玩招牌自拍。早前網民發現發哥生咗粒凸起嘅肉粒，而且由前髀到手臂都有，令大家好擔心發哥健康，呢日發哥親自解畫，仲叫大家要注意，如果有同樣情況，如果肉球太大粒就要睇醫生。

發哥做完訪問之後，佢用手機同在場所有記者自拍，點知有記者質疑背光，發哥即發揮搞笑本色，衝口而出講：「你話背就背，你識條鐵咩！」

另外，專程來港嘅K Pop天王G-Dragon（權志龍）同樣係全場焦點之一，聽見現場傳媒叫「請做愛心手勢」時，佢都有作回應。另外獲邀出席盛會嘅貴賓仲有劉嘉玲、陳法拉、馮德倫、張敬軒、袁澧林、女飛魚何詩蓓同台灣型男陳柏霖等，軒仔更被封為香港型男代表添！

#周潤發 #GDragon #GD #權志龍 #劉嘉玲 #陳法拉 #馮德倫 #張敬軒 #何詩蓓 #陳柏霖 #時尚 #時裝騷 #健康

#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0