Скачать или смотреть أهل المذاهب - محمد بن غرمان || كلمات عبدالمحسن بن عبدالله 2025 ( حصري ) 🔥🔥

جميع الحقوق محفوظه ©️

• تنبيه / ​⁠
نسخك للمحتوى او اعادة تحميله يعرض قناتك للاغلاق


تصميم : ​⁠​⁠​⁠​⁠​⁠​⁠ ‪@malki_711‬
واتس آب : 0546122533




كلمات :
عبدالمحسن بن عبدالله العمري




بمناسبة زواج :
صابر عطية معيض الثوري العمري




ادء :
محمد بن غرمان العمري




الكلمات :

سبحانه اللي بدّل الاحوال من حال لحال ..
مقسّم الارزاق بالنيات ولّا بالسبب ..

يالله طلبناك الرضا والحظ والرزق الحلال ..
وانك تسامحنا وتغفر كل ذنب مرتكب ..

من علق آماله ورغباته على باب احتمال ..
لا ينزعج لو شاف حظه شين والوضع انّكب ..

يالله وانا عبدك ولد عبدك عليك الاتكال ..
انك تيسرها على ما ترتضيه وما تحب ..

يا صوت بن غرمان زدت الحفل والجو اشتعال ..
الرقم الاول بالحماس وباللحون وبالطرب ..

على العموم انطلقت الرحلة وباشدّ الرحال ..
يمّ الرجال اللي لهم حقّ علينا قد وجب ..

سلم على اللي ما يقصّر في مواجيب الرجال ..
يرفع مقامه بالمذاهب والمكارم والحسب ..

بين الرياجيل النسب والقرب وحقوق الوصال ..
وانته لك التقدير في حقّ القرابة والنسب ..

يا طيب حظي يوم قدّمني ولد عمي وقال ..
رحّب يا عبدالمحسن الليلة بسادات العرب ..

قلت احتزم وازهل ويا بشراك وانا اخو العيال ..
الضيف له واجب وله ترحيب منا ينكتب ..

يا مرحبا والبن الاشقر فاح من صفر الدلال ..
يا مرحبا يا ضيف والتقدير في الصدر الرحب ..

يا مرحبا ترحيب وافي عدّ همال الخيال ..
الارض تحيا به ويفرح فيه شخص مكترب ..

كلن يرحب يا قبايل مرحبا من وسْع بال ..
ترحيبنا بالضيف خل الوضع في حالة صخب ..

ما تسمع الا مرحبا .. يا قهوجي روح وتعال ..
تقول كنّ القصر مستهدف وفي حالة شغب ..

الليلة في قمة فرح ( قمة فرح ) واقرب مثال ..
شوْف العناصي والنشاما عندنا عز الطلب ..

اولاد سعدي سعْد من ناسب كريمين السبال ..
يواجهون اقوى عدو ويدسّمون اطلق شنب ..

مرحوم جعلك يا علي سليمان في روح وظلال ..
في جنة الفردوس لا همّاً وغم ولا نصب ..

ومحمد السعدي سخي الكف يا حي القبال ..
واخوانه اهل العز واصحاب المناصب والرتب ..

واما انت يا صابر كسبت الجود ما حسّبت مال ..
جودك كما الغيث الذي ينهلّ من بيض السحب ..

صميدعي ومعرب الجدين من عماً وخال ..
شيمة وقيمة واحترام وجود يا صابر وادب ..

واخوك عبدالله يصادم في صواديف الليال ..
انشهد انه في مواجيب الاخوة ما وصب ..

كريم كف وقدر ضيفانه دعس خشم الريال ..
يجود حباً في الكرم ما هو نفاق ولا كذب ..

ومحمد وعادل وخالد كلهم مثل الجبال ..
عز الله ان الجود والمعروف فيهم مكتسب ..

وتعيش يا عثمان شيال المهمات الثقال ..
من الرجال اهل الجميل وبحر جوده ما نضب ..

رجال في وقت الله الله بالكمال وبالجمال ..
ويجيك في الوقت المناسب والمهمة تقترب ..

وليا لقيته ساكت احذر لو يجي عنده مجال ..
والله ليعطيك الكلام اللي يجيب ام الركب ..

والصدمة اللي هزت المجرد ودوّت في قفال ..
واهتز منها قلة النصبا وجلجل والحدب ..

موت الشجيع وفقد غالي ذكر صيته لا يزال ..
عطية بن معيض فكاك النشايب والكرب ..

والثوري اهل الحرب واهل السيف الاجرب والقتال ..
لا من رموا خصامهم كنّ السما ترمي شهب ..

الثوري اهل المذهب العامر بعيدين المنال ..
الثوري اللي للمهمات الثقيلة يُنتدب ..

الثوري اللي لا وعد يوفي مواقيفه جزال ..
ما عندهم ل اللي يكايدهم سوى نار وحطب ..

ونحن عمر يوم النشايب والمعارك والنزال ..
عدونا يخضع ويتبدد وينجيه الهرب ..

الحد ثابت ما تزحزح من جنوب ومن شمال ..
من يوم ما هاب العدو من معركتنا وانسحب ..

من حلية الضبان لين العاصمة وادي حقال ..
والعاصمة فيها قبايل من يعاديهم نشب ..

وليا تعديت البوا تبدي على ضهيا وشال ..
ابشر بهم ويجون في وقت الحمية والطلب ..

والمريمي جنب الصهيبي صف واحد في النضال ..
ما ينفرق صف القبيلة لاحتمى الموقف وشب ..

واللي يعيش الوهم واللي صابه اليوم اعتلال ..
ندعي عسى الله يصلحه ويرد عقله لا ذهب ..

ما عاد عندي للظروف الا الصبر والامتثال ..
والله يعينك يبن عبدالله تصبّر واحتسب ..

تمت وصل الله وبارك والثنا يا ذو الجلال ..
ونعوذ بالله من ردى حاسد ورزقٍ ينحجب ..






للتواصل مع طويق
الحسابات الرسمية👇🏻 :

Whatsapp :
https://www.wtspee.com/966546122533

TikTok :
https://www.tiktok.com/@malki_711?_t=...

Twitter :
https://twitter.com/hh___22?s=21&t=R7...