شيله صالح ال منصور || زواج صقر ال منصور ||حصرياً || 2023

#وما_توفيقي_إلا_بالله

إشترك في قناة صالح ال منصور الرسمية للحصول على أحدث إصداراته الفنية:
‏​   / @salehalmansouri5704  

للاعمال التواصل واتساب فقط.
0538454465

صالح ال منصور- زواج صقر ال منصور
(حصرياً) |2023
‏Saleh Al Mansour - Marriage to Saqr Al Mansour (Exclusively) |2023

سناب شات -صالح ال منصور
  / befi4vqk  


كلمات : حسين مسفر ال رزق
إنتاج فني :ابعاد الفنون
المهندس : عبدالكافي العجمي

_
الكلمات :


بسم من بيده تزبر مقاديم المخيل
جل شانه والمعاني على موالها

استطاش الفكر وارهيتها من سلسبيل
من عدودٍ يرتوي المستمع من جالها

معتلي صفرا قصيد تخيل وتستخيل
كن حوافرها طبول الوغا واهوالها

شوقها ريح البواريد ف اليوم المهيل
تصهل لصوت العزاوي مع خيالها

ان دخلت بوصفها ماوفيت الا القليل
والقصيده ماني بناوي بطوالها

مرحبا ماهل وبلٍ مخيله كنه ليل
ياضيوف نايفات القدر منزالها

فالكم ف العود الازرق وفي بنٍ وهيل
والشحم والطيب ذا فالها وعقالها

في حفل نسل الاكابر صقر سيف صقيل
ياوريث العز والطايله يرقالها

ناسب اهل العز والطيب والفعل النبيل
ال سالم عزوةٍ جمل الله حالها

هم هل العادات واهل الوفاء واهل الجميل
هم مقاديم السرب والنعم يثنالها

الله يبني بيتك وياعسى عمرك طويل
يانسل قوم تشوق الرجال افعالها

وافيٍ مابار لو بار وقتي والعميل
وكلمته لاقالها بالفعايل طالها

طيب وله في مجال الكرم شبرٍ طويل
وسيرته ماكل رجلٍ نواها نالها

الجناب الدمث والخلق والفعل الجزيل
والامور الكايده شارب فنجالها

هو ولد عودٍ شجاع يحل المستحيل
والصعايب لي نطحها فهو حلالها

فزعة المضيوم لاجاه يشكي من غليل
يحتمي وحمول بقعا لا ثقلت شالها

مدته بالجود وبلٍ هماليله تسيل
ووقفته بالعز ماحن نشوق الا لها

نسل قوم هم عمى الضد مزبان الدخيل
ساعةٍ فيها المواقف تبين رجالها

ال منصور ليا صاح مختف الشليل
السعد والعز والطايلات اقبالها

ابن منصر لاعتزو فوق هجن وفوق خيل
تارد احياض المنايا ب حدب سلالها

في نهار الهوش هم ستر منسوع الجديل
وماتهون الكايده كود عند ابطالها

من بني عمي ضنا يام لاهاب الذليل
كل وقفت عز حنا لها حنا لها

في جنبنا تامن البل ونشتل الثقيل
دونها الموت المصفى لمن يبرا لها

وارحبوا ترحيبة كنها دهم المخيل
مرحبا ياضيوفنا والسفاير فالها