Скачать или смотреть 37 vite pas kangjellave; Një rrëfim ekskluziv - Motër Miriam | MARGARITARËT - Ep.5

Në këtë episod të Margaritarëve, ulemi përballë një gruaje që ka zgjedhur të mbyllet nga bota për të qenë më pranë saj.

Motër Miriam, murgeshë karmelitane me origjinë kroate, por me më shumë se 20 vite jetë të rrënjosur në tokën shqiptare, na fton në një udhëtim përtej fjalëve.
Zbulojmë së bashku arsyet e thella që e shtyjnë një murgeshë karmelitane të zgjedhë jetën e mbyllur në heshtjen e një manastiri – një jetë e përkushtuar krejtësisht lutjes, shërbesës së shpirtit dhe një misioni të padukshëm, por jashtëzakonisht të fuqishëm për Shqipërinë.
Motër Miriam na hap zemrën, duke ndarë me ne thesaret e jetës mistike, ndërsa rrëfen ëndrrat, dëshirat dhe rrugët e jetës që ajo i la pas, për t’iu dorëzuar thirrjes hyjnore.

Dhe ka një detaj që e bën këtë takim edhe më të veçantë: Ishte pikërisht Motër Miriam ajo që, në një moment të përndritur, e pagëzoi këtë podcast me emrin që mban sot – Margaritarët.
Sepse margaritarët lindin në thellësi, formohen në fshehtësi dhe i dhurohen botës si diçka e rrallë dhe e shenjtë.

Margaritarët: Në këtë seri të shkurtër intervistash, do të dëgjosh biseda të vërteta, të thella dhe frymëzuese me njerëz që kanë diçka për të thënë — jo për të bërë zhurmë, por për të lënë gjurmë.

#moterMiriam #fleurashkembi #margaritaret #interview #podcast #spirituality #shqip #manastir #shqiperi #shpirterore #besim #god #faith #real