Скачать или смотреть ភាពជាអ្នកដឹកនាំ (Leadership)

នៅពេលដែលអ្នកទាំងអស់គ្នាឭពាក្យថា អ្នកដឹកនាំ តើអ្នកទាំងអស់គ្នាសំដៅទៅលើអ្វី? សម្រាប់ខ្ញុំដំបូងនៅពេលដែលខ្ញុំឭពាក្យថា អ្នកដឹកនាំនេះ គឺខ្ញុំសំដៅទៅលើអ្នកដែលមានឋានៈតួនាទីនៅក្នុងជួរមន្ត្រីរាជការ នៅក្នុងស្ថានប័នឯកជន ឬនៅក្នុងក្រុមហ៊ុនជាដើម។

ប៉ុន្តែក្រោយពេលដែលខ្ញុំបានសិក្សាស្រាវជ្រាវមកទើបខ្ញុំបានរកឃើញថា ពាក្យថាអ្នកដឹកនាំ និងភាពជាអ្នកដឹកនាំ គឺខុសគ្នា តើខុសគ្នាយ៉ាងម៉េច? ទី១-ប្រសិនបើយើងនិយាយអំពីភាពជាអ្នកដឹកនាំ វាគឺជាធាតុ សភាព ធាតុផ្សំ សមាសធាតុ ជាបែបបទ ជាលំនាំ ឬជាទម្រង់។ល។ ទី២-ប្រសិនបើយើងនិយាយអំពីអ្នកដឹកនាំ គឺយើងនិយាយអំពីមនុស្ស ពីព្រោះពាក្យថាអ្នក គឺសំដៅទៅលើបុគ្គល ឬជនណាម្នាក់ ។ អ៊ីចឹងហើយយើងអាចញែកវាឱ្យចេញពីគ្នាអំពីពាក្យថា អ្នកដឹកនាំ និងភាពជាអ្នកដឹកនាំ ឱ្យដាច់ដោយឡែកពីគ្នាបាន មានន័យថា វាមានភាពទាក់ទងគ្នា ប៉ុន្តែវាមិនដូចគ្នានោះទេ។