Скачать или смотреть #اليا

اليا سمحلي وقتي ابعض الاوقات
ما عاد احسب للعنا والمشاوير

اقطع على شان النشاما مسافات
لو كان مشواري من الصبح لعصير

الموتر مطقمله اربع كفارات
ومشيكن زيت المكينه مع القير

وما همني ساهر وكثر الردارات
واليا تساوا الخط رخيت الامبير

الرزق في يدين رب السماوات
مرزق خشاش الارض وسط المجاحير

اللي نناجيه بجميع الصلاوات
وجميع كايد ب امره وفضله ايصير

والحي حي ورحمة الله لمن مات
وما فاز بالطاله قليل المخاسير

من لا غدا عنده بوقته طموحات
بالوقت لا داسم ولا معينن خير

والطيب عسر وللمناعير وقفات
ويا ما ذخرنا للصعابب مناعير

ومن هف من روس الطوال المنيفات
جعله مهف مقيط وارشاه بالبير

ناصر بن حمد الضاحي