Скачать или смотреть Invit al workshop

Workshop "Ujöp da Oies"

Le workshop é la pröma ocajiun da rové adöm cun dötes les porsones che se á anunzié y é dispostes da mët ligrëza y pasciun por le garaté de chësc teater musical.

Orars: vëndres 05.11.21 dales 20:00 (por düc)
sabeda 06.11.21 dales 09:00 - 16:00 (por ciantadus y jobleri)
domënia 07.11.21 dales 09:00 - 12:00 (por ciantadus y jobleri)
Post: Salf manifestaziuns Jan Batista Runcher Badia

Contignü:
I rovun adöm y imparun da nes conësce, da costruí de bugn raporc de fiducia y segurëza, da descedé te nos le vëia da porvé fora cosses – pó ester nöies o ince conesciüdes - por rové ite te chësc jüch dl teater y dl cianté che nes damana da ester daverc, intuitifs, bugn da ascuté i atri y se instësc.
Te chisc dis fajarunse eserzizi y jüc che nes dëida da fá grup, da descedé la ligrëza da jobelné, da comuniché cun i atri, da sintí nosta presënza fisica, nosta potenzialité de usc y spontaneité. Y chësc te n'atmosfera positiva y löcra. Degügn ne mëss bele savëi da fá teater danfora!
Cun letöra y improvisaziuns porvarunse da ascuté sciöche parores y frases sona, sciöche i nes imaginun situaziuns dla vita de nosc Ujöp da Oies, rovan spo ince tres plü daimpró a süa storia afascinanta.

Referëntes y referënc:
Valentina Kastlunger, Bernardetta Nagler, Bruno Rives, Carlo Suani