Aeroporti i Vlorës do të jetë i përfunduar sipas kontratës, por operimi në të do të shtyhet përtej 1 marsit. Kështu u shpreh këtë të enjte Behgjet Pacolli, i cili në një intervistë për emisionin “Opinion” në Tv Klan tregoi versionin e tij për çështjen e aeroportit të Vlorës.
“Në datën 1 mars nuk është reale që të fluturojnë, por aeroporti do të kryhet ashtu siç e sheh kontrata në shkurt të vitit të ardhshëm”, tha Pacolli.
Sipas tij, ndërtesat do të jenë të mbaruara komplet, por për shkak të një mase siguruese nga gjykata, entiteti Vlora International Airport (VIA) nuk mund të punojë për të siguruar operimin e fluturimeve.
“Ka një masë siguruese që u lëshua para disa javëve, që totalisht e ka bllokuar mbarëvajtjen e VIA-s, e aeroportit të Vlorës. Punimet vazhdojnë, por entiteti VIA, duhet të bëjë stafin, duhet ta trajnojë, duhet të instalojë sistemin informatik, duhet të bëjë të gjitha përgatitjet, duhet të bëjë kontratat me kompanitë ajrore. Tash për tash janë të bllokuara, askush nuk guxon të bëjë diçka, madje as ata punëtorë që kanë qenë të paguar nga VIA, pagat nuk i marrin”, tha Pacolli.
Ai theksoi se nuk e kupton se si gjykata e ka caktuar një masë të tillë siguruese.
“Në botën e civilizuar ekzistojnë masat siguruese, por siguruesi duhet të depozitojë një shumë goxha të madhe nëse dëmtohet pala tjetër. Domethënë gjykatësi duhet ta shpërblejë me atë masë. Masa që është lëshuar dhe bllokohet një entitet shtetëror, një entitet publiko-privat, më i madhi në Shqipëri që ka ndodhur deri tani për mua nuk është reale dhe si kanë menduar ta bëjnë atë unë nuk e di”, u shpreh ai.
Pacolli tha se nuk e di sa do të zgjasë kjo situatë, por theksoi se sa më shumë zgjat masa siguruese “aq do e shtyjë mundësinë për hapjen e aeroportit”.
Kujtojmë se më 31 tetor 2025, për afro 4 orë, biznesmeni Behgjet Pacolli është marrë në pyetje në Prokurorinë e Tiranës, lidhur me konfliktin e lindur mes tij dhe ortakut të tij, Valon Ademi, për koncesionin e aeroportit të Vlorës.
Për këtë investim, ku sipërmarrësi Pacolli pretendon se ka 98% të aksioneve nëpërmjet kompanisë së tij “Mabco Construction S.A.”, Prokuroria e Tiranës mësohet se ka regjistruar procedim penal për veprën penale të mashtrimit me pasoja të rënda dhe mashtrimit kompjuterik.
Ky procedim penal është regjistruar mbi bazën e dy kallëzimeve, si nga ana e Pacollit, ashtu edhe nga Ademi, i cili pretendon se zotëron 49% të aksioneve përmes kompanisë “2A Group”.
Prej javësh, prokuroria po merr në pyetje persona lidhur me hetimet, por ende nuk ka persona nën hetim. Pavarësisht konfliktit mes ortakeve, Pacolli tha se mosmarrëveshjet nuk do të pengojnë përfundimin e aeroportit.
Mosmarrëveshjet mes dy ortakeve kanë çuar në pezullimin e aktivitetit të shoqërisë “Vlora International Airport”, nga Gjykata e Tiranës.
Në emisionin e sotëm të “Opinion” në Tv Klan, në pjesën e parë dhe të dytë, do të ndiqni intervistën e moderatorit, Blendi Fevziu, me investitorin Behgjet Pacolli, ky i fundit i cili është kthyer ditët e fundit në qendër të vëmendjes lidhur çështjen e aeroportit të Vlorës.
Intervista prej 1 orë e 30 minuta, e zhvilluar rreth 48 orë më parë në Prishtinë, paraqet versionin e Pacollit për këtë çështje, për të cilin investitori është i gatshëm ta mbrojë e ta paraqesë si variant ligjor. Ai flet se si nisi historia për aeroportin e Vlorës, si u përfshi, përse një kompani turke u largua duke shitur aksionet, a mund të mbarojnë punimet deri në verë.
Çfarë po ndodh me aeroportin e Vlorës? Një përplasje mes dy ortakëve, Begjet Pacollit dhe Valon Ademit. Një çështje që ka nisur pas një denoncimi të Ademit në Prokurorinë e Tiranës ndaj Pacollit, me akuzat mashtrim, shitje të rreme të aksioneve. Kështu, organi i akuzës ka nisur një hetim për çështjen.
Janë thirrur për t’u marrë në pyetje Behgjet Pacolli, si dhe vëllain e tij.
Gjykatësi sakaq, ka marrë si masë pezullimin e çdo ndryshimi të aksioneve të aksionerëve.
Intervista e Pacollit ka ardhur pas një thirrje të bërë prej vetë Fevziut që secili prej ortakëve të japin versionin e tyre.
Ftesë publike i është bërë Valon Ademit nga drejtuesi i emisionit, për të shprehur dhe ai versionin e tij për “Opinion”.
#behgjetpacolli #aeroportiivlores #valonademi
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen https://tvklan.al/programe/
#Opinion #BlendiFevziu #TVKlan
Информация по комментариям в разработке