Скачать или смотреть Edicioni i Lajmeve Tv Klan 10 Mars 2026, ora

Lajme, #edicioniinformativ ora 23:35, 10 Mars 2026 #TvKlan #klanlajme

Spiker: Reis Çiço

Headlines

Hakerat iraniane sulmojnë Kuvendin: janë fshirë vetëm llogaritë e punonjësve

Hakerat iraniane të grupimit “Homeland Justice” sulmuan të hënën postën elektronike të Kuvendit të Shqipërisë. Vetë institucioni thotë se nga ndërhyrja janë fshirë vetëm llogaritë e administratës dhe se infrastruktura kryesore e punës nuk është prekur.

Ashpërsohet konflikti në Lindjen e Mesme. Hegseth: e marta, dita më intensive e sulmeve

Ashpërsohen sulmet e ndërsjella mes Shteteve të Bashkuara, Izraelit dhe Iranit. Pavarësisht se presidenti Trump tha se lufta është drejt fundit, sekretari amerikan i Mbrojtjes konfirmoi se kjo e martë ka shënuar ditën më intensive të sulmeve.

Bie çmimi i naftës në botë. Në Shqipëri rritet me 13%, shkon 198 lekë për litër

Pas mesazheve të Trump për afrimin e fundit të luftës, çmimet e naftës bruto pësuan rënie të ndjeshme në bursat ndërkombëtare. Ndërsa në Shqipëri karburantet u shtrenjtuan me 13%, duke bërë që nafta të arrijë në 198 lekë për litër.

Gjykata e Lartë: rishohim praktikën e masës së “arrestit në burg”. PD: Rama po bën puç kushtetues

Gjykata e Lartë ndërmerr nismën për të unifikuar praktikën e dhënies së masës së sigurisë “arrest në burg” në të gjitha gjykatat, pas vendimeve të Strasburgut. Nisja e kësaj procedure është konsideruar puç kushtetues nga Partia Demokratike.

Shqipëria në panairin e pasurive të paluajtshme në Francë. Pavioni i AZHT tërheq vëmendjen e investitorëve

Çelet në Kanë panairi ndërkombëtar i pasurive të paluajtshme, ku marrin pjesë mbi 20 mijë pjesëmarrës. Shqipëria përfaqësohet me një pavion të Agjencisë së Zhvillimit të Territorit, i cili ka tërhequr vëmendjen e shumë investitorëve.

Marta Kos anulon vizitën në Kosovë. Shkak, dështimi i zgjedhjes së presidentit

Komisionerja e Zgjerimit, Marta Kos, ka njoftuar kryeministrin Albin Kurti se ka anuluar vizitën e programuar për këtë javë në Kosovë. Shkak mësohet të jetë bërë kriza e re politike e krijuar nga moszgjedhja e presidentit të ri të vendit.

FIFA lejon Bujar Pllanën të luajë për Shqipërinë. Mbrojtësi, një alternativë më shumë për Kombëtaren

FIFA i ka dhënë dritën jeshile futbollistit nga Kosova, Bujar Pllana, të luajë për Shqipërinë. Mbrojtësi konsiderohet si një alternativë më shumë për Kombëtaren. Silvinho ka ende pak kohë për listën e të grumbulluarve për ndeshjet e marsit.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/