Скачать или смотреть مشاركة منبرية للشاعر عبدالله بن بندر في حفل الشيخ سهيل بن معيض السحيل

سبحان مرسل سحاب الغيث منش الغمام
افضاله الفايضه ما ينحصى عدها

وجهه رجينا ولا نرجي وجيه الانام
مدات جوده تجود الناس من مدها

يا شارع الشعر انا ماشي بحسب النظام
الجزله اعدها والهزله اردها

ومخالفاتي على شارعك ( سرعه .. حزام )
هالحاجتين ان مشينا فيك لابدها

لاني على الماقف ان جيت اسرع من السهام
ولا اقوم فاللازمات الا وانا قدها

ليا دعا الشعر يالفكر الهمام الهمام
بحورك بحور يلطم جزرها مدها

ماهيب لحية توجاد ولا لحية غرام
مقام يستوجب الجزلات ونعدها

نشوش للطيبين الوافيين الكرام
تسدنا بالفعل .. فالمدح بنسدها

ابشر يبوخالد وغير القصيد المقام
اللي يجمل نفوس بادلت ودها

يا مرحبا يالشيوخ ويالرجال الحشام
كل القبايل نعم من حدها لحدها

ترحيبةٍ ما تغير عام من بعد عام
متوارثة لين ابوها ورث عن جدها

في حفل شيخٍ له التقدير والاحترام
سهيل رمز المراجل والكرم والدهاء

ليا دعا للزوم وصاير الامر هام
على يمينه حرارٍ يعجبك هدها

الطيب ماله مدى والجود ماله لجام
وعزوم راع العزوم تورده عدها