နေ့စဥ်ဝတ်ပြုခြင်းအလင်းပြ အလင်းအားဖြင့်အမှောင်ကိုအနိုင်ယူစို့ -Let us overcome darkness with light.၁

နေ့စဥ်ဝတ်ပြုခြင်းအလင်းပြ

“မကယ်မတင်နိုင်အောင် လက်တော်တိုသည်မဟုတ်။”
“the LORD's hand is not too short to save.”

အဓိကအချက် - “အလင်းအားဖြင့်အမှောင်ကိုအနိုင်ယူစို့” - “Let us overcome darkness with light.”အပိုင်း(၁)

ဖတ်ရန်ကျမ်းချက် - ဟေရှာယအနာဂတ္တိကျမ်း ၅၉း၃-၈

“ကြည့်ရှုလော့။ ထာဝရဘုရားသည် မကယ်မတင်နိုင်အောင် လက်တော်တိုသည်မဟုတ်။ မကြားနိုင်အောင် နားတော်ထိုင်းသည် မဟုတ်။ သင်တို့ ဒုစရိုက်သည် သင်တို့ကို ဘုရားသခင်နှင့် ကွာစေပြီ။ ကြားတော်မမူစေခြင်းငှာ၊ သင်တို့အပြစ်သည် မျက်နှာတော်ကို လွှဲစေပြီ။” (ဟေရှာယ၊ ၅၉း၁-၂)

အခက်အခဲ၊ ပြဿနာ၊ စုံစမ်းခြင်းများကို အလုံးအရင်နဲ့ ကြာမြင့်စွာ ရင်ဆိုင်ကြုံတွေ့လာသောအခါ၊ ဘုရားသခင်မကယ်တင်တော့တာ ဘာကြောင့်လဲလို့ ဘုရားသခင်၏လူများ တွေးလာကြတယ်။ ဘုရားသခင် ခွန်အားလျော့သွားသလား၊ လက်တော်တိုသွားတာလား၊ အရင်ကဘုရားနဲ့မတူတော့တာလား၊ လို့တွေးလာကြတယ်၊ အမှန်တော့ ပြဿနာက အဲ့တာမဟုတ်ဘူး။
အထူးသဖြင့် အပြစ်ကင်းတဲ့သူ၊ လူကောင်းတွေအပေါ်မှာ မကောင်းတာတွေဖြစ်လာတဲ့အခါ ဘုရားသခင် အပေါ် မေးခွန်းထုတ်လာတတ်ကြတယ်။ ချစ်ခြင်းမေတ္တာရှိသော် ဘုရားဖြစ်သော်လည်း၊ အင်အားအသုံးပြုတဲ့နေရာမှာ အပြည့်အဝမသုံး၊ အကန့်အသတ် ထားနေလို့လား။ ကောင်းမြတ်သောဘုရားဖြစ်သောလည်း အုပ်စိုးမှုအာဏာမရှိလို့လား။ မကောင်းမူတွေ အများကြီးဖြစ်နေတဲ့ အကြောင်းအရင်းက အဖြစ်အပျက်တွေက ဘုရားသခင်ထိန်းချုပ်မှု အောက်မှာ မရှိလို့လား။
ကျမ်းစာထဲကဘုရားသခင်ကတော့ အဲ့လိုမဟုတ်ဘူး။ အဲ့ဒီလို ဘုရားသခင်က ကျမ်းစာကဖော်ပြတဲ့ ဘုရားသခင်မဟုတ်။
ဟေရှာယ အားဖြင့် ကျမ်းစာကဖော်ပြတာက ထာဝရဘုရားသည် မကယ်မတင်နိုင်အောင် လက်တော်တိုသည်မဟုတ်။ အဲ့တာကို သတိပြု ကြည့်ရှုသိမှတ်ပါ ကြည့်ရှုလော့ Behold,
မကြားနိုင်အောင်နားတော်ထိုင်းသည်မဟုတ်။ အဓိက ပြဿနာက ဘုရားသခင်က ကျနော်တို့ရဲ့ပြဿနာတွေကို မသိ၊ မကြား၊ စိတ်မဝင်စား၊ နားမထောင်ပဲ သူ့ရဲ့ ကြားနာခံယူနိုင်တဲ့ အစွမ်းအစမဲ့သွားတာမဟုတ်၊ ဘူးလို့ ဟေရှာယ သတိပေးထားပါတယ်။
ဆင်ခြင်ရန် - အခြေအနေဆိုးများနှင့်အဖြစ်အပျက်ဆိုးများသည် ဘုရားသခင်စွမ်းရည်အပေါ်မူတည်နေခြင်းမဟုတ်ပါ။
ဆုတောင်းရန် - အခြေအနေအမျိုးမျိုးပြောင်းလဲနေသောလဲ၊ မပြောင်းမလဲသော ဘုရားသခင်ကို ယုံကြည်ကိုးစားတတ်သော ခွန်အားများနှင့်သွန်သင်ခြင်းများကို ကျွန်ုပ်တို့အားပေးသနားတော်မူပါ။ အာမင်