Shavkat Rahmon. "Qarsak" Vijdonsiz shoirlar ko'paygan juda, yurakni so'z bilan yondirguvchi kam...

Shohzod Anvar ijodiy kanalidan taklif: Siz yosh xonandamisiz? Go'zal she'r va ijodiy hamkor izlayapsizmi? Biz o'z xizmatlarimizni taklif qilamiz! Talab va istaklaringizni yozib qildirishingiz va 99 451 35 54 raqamiga sms orqali yo'llashingiz mumkin.
Operator va mantajyor: Aydos Jumamurodov

Қарсак нима ўзи?
Иккита кафтнинг
орасидан потраб чиқадиган сас,
хоҳласам чаламан, хоҳламасам йўқ,
қарсак меникидир, сизники эмас.
Қарсаклар ҳозирча қўлтиқларимда
митти мушуклардай мудрайди тафтдан.
Ахир, ўзбекнинг бир ўжар шоири
қарсак чалармиди бемаъни гапга.
Виждонсиз шоирлар кўпайган жуда,
юракни сўз билан ёндиргувчи кам,
халқимас,
шуҳратни ўйлаб сўйлаган
аҳмоққа бермайман қарсагимни ҳам.
Қарсак нима ўзи?
Арзимаган гап,
керак бўлса топилар қоплаб,
Титроққа тўлдириб осмон гумбазин,
қарсаклар чалишни биламан боплаб.
Ғирромлик қилмаса нотиқ агарда,
ёлғон шеър айтишдан қайтсайди шоир,
милтиқ ўқларидай гумбиргум қилиб
ҳаводан қарсаклар ясардим доим.
Ўжар шоирликни ташлаб ўшал пайт,
эпчил бир югурдак каби замонда
қарсак чаладиган хизматчи бўлиб,
ишга кирар эдим Ўзбекистонга.