Xəzər Süleymanlı - NECƏSƏN, ZALIM ( İbrahim İlyaslının şeiri )

şeir: İbrahim İlyaslı
səs: Xəzər Süleymanlı
Videographer: Farid Mekhtiyev


Mənim səndən uzaqlarda
Yamandı halım, necəsən?
Özgəsinə qismət olan
Cahı-cəlalım, necəsən?

Yalana döndü gerçəyim,
Ay gözəlim, ay göyçəyim.
Çəmənim, çölüm, çiçəyim,
Pətəyim, balım, necəsən?

Daşam yolun üstə bitən,
Nə sirdi anlamaz yetən.
Gözü, könlü dil-dil ötən,
Dilləri lalım, necəsən?

Zər-zibam, ləlim, gövhərim,
Yaqut-yəmən, simu-zərim,
Barmaqları bəxtəvərim,
Başı bəlalım, necəsən?

Üzün dönməz mənə sarı,
Yarı öz ömründən, yarı.
İbrahimin sitəmkarı,
Necəsən, zalım, necəsən?

#xezersuleymanli #necesenzalim #xəzərsüleymanlı

Facebook:   / xzrslmnli  

İnstagram:   / xezersuleym.  .

Tik-tok: https://vm.tiktok.com/ZSdSfdWxj/

Telegram: https://t.me/xezer_suleymanli