《中年好聲音2》慈善演唱會開鑼 中二生傾情咀嘴 譚輝智柔情派福利

千呼萬喚一連兩場嘅《中年好聲音2》慈善演唱會終於開鑼，呢晚吸引唔少粉絲捧場，當中包括自認係譚輝智粉絲既狄波拉，仲有評審肥媽、周國豐、伍仲衡、張佳添、導演韋綺姍、谷婭溦、一班中一生、同埋擔任過嘉賓評審嘅關心妍同老公及女兒一家三口去欣賞。

一開場18位中二生獻唱團歌《隆重登場》引爆全場火熱氣氛。不過講到最爆嘅一幕一定要數到由冠軍古淖文同季軍顏米糕合唱《芳華絕代》嘅妖媚舞台，兩人仲high到上演男男咀嘴。

黃劍文同陳蒨葶喺舞台上就係真Kiss冇借位，劍文仲話本來打算錫兩秒，但現場反應太好，唯有錫耐啲，。其實蒨葶呢個音樂劇舞台係做第三者，劍文嘅正印係林若盈，為咗入戲若盈同劍文更自製限定情侶手機Wallpaper，難怪有粉絲以為佢哋係真情侶。

作為人氣王嘅譚輝智呢晚相當風騷，請咗兩位幸運粉絲上台聽佢唱歌，享受輝智嘅柔情福利。作為中聲嘅主持車婉婉呢晚以超性感DeepV造型登場賀中二生嘅大日子，佢透露仲有一件更性感嘅戰衣，視乎觀眾反應會否出現！

#中年好聲音２慈善演唱會 #中二生 #古淖文 #顏米羔 #黃劍文 #陳蒨葶 #林若盈 #譚輝智 #車婉婉 #沈宗賢 #陳俞霏 #安雅希 #王學琳 #尹新杰 #劉可 #陳燕娜 #王玥 #梁浩賢 #劉威煌 #鄭梓浩 #甘永傑 #芳華絕代 #隆重登場



#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0