T LALCHA HAOKIP || KANAO BOITHANG || In Loving Memory of Tahchapa Nehboithang Haokip

KANAO BOITHANG
T. Lalcha Haokip

In Loving Memory of
Nehboithang Haokip
31/01/1997 - 07/09/2024

Words: Pastor Tongkhojam Haokip
Tune: T. Paoboi Haokip
Music & Studio: Green Studio
Video processed at GIBEON MEDIA

Video sponsored by
Gl. Thangminlen Lhungdim

Kaden anai kanao Boithang iti hi tai mo?
Na thoh gim ding lungmit in kahin mu-e
Ka thoh joupoi na thange Boi Nampi jalai ah
Gam le nam ading a thisan phal nahi.

Chorus:
Milni umponte Boi nang in vang
Chung thangvan akon in hinve tan natin
Che masa ngaicheng lenna Pakai sem vankhopi a
Cholngah na kholmun Pakai ollim dainoi achun.

Panpi ngaiya melma khut a vaitham nahi tam!
Nathu ahung thong lhung e laidip adap
Thikon kholhang na hinsap nampi lunglai anai
Jan mang mel ham ti in kana gel gel ji

Na Chun le Jo laijon cheng in vaihunglhung ding kinem in
Lunglaigil a na lang e vonchoi Boithang
Nagel chimlou kinepna gam lhung tan natin o
Taikho ahungvah teng thoudin kagel ji.

Van Jerusalem thah nomma khenna umtalou ding
Chi le Nam kikhenna gal le tol jong
Um taponte galjo na han la isah khom diu
Pakai toh lenkhom ma vai ihom khom diu