Скачать или смотреть తప్పు నాదా! (ప్రతి నిముషం నాకు ప్రత్యర్థిగా నిలచిన అక్కయ్య బ్రతకా లేనింది నేను చావడం దేనికి:

తప్పు నాదా! (ప్రతి నిముషం నాకు ప్రత్యర్థిగా నిలచిన అక్కయ్య బ్రతకా లేనింది నేను చావడం దేనికి: ఆ క్షణంలో అసూయా, ద్వేషం, కసి నా అణువణువు ధ్వంసం చెయ్యసాగింది.
రచన: మాదిరెడ్డి సులోచన

భగవంతుని పేరెత్తేవారంటే నాకు మంట. అతనివల్లే సృష్టి జరుగుతుందంటే నాకు కోపం.... ఆతనంత పక్షపౌతి మరెవరూ లేరు. కొందరికి కోరినవన్నీ యిస్తాడు. మరికొందరికి కనీసపు కోర్కెలు గగన కుసుమాలు చేస్తాడు. యెందుకు? యేమో

"ఇక్కడ నిల్చున్నావా తలంటుకోవూ? ప్రశించింది తల్లి. నా కన్నతల్లి. నన్ను కన్నందుకు పదిసార్లు కించపడే తల్లి.
ఇందాక అక్కయ్యకు ప్రేమగా తలంటిన మాతృమూర్తి,
“ఊ." అన్నాను.
మర్నాడు. సాయంత్రము మా వివాహాలు. స్నానాల గదివైపు వెళ్తూ హాల్లోకి చూచాను. సర్వాలంకారంతో ముసి, ముసిగా నవ్వుతుంది అక్క, చుట్టూ చేరిన బంధుజనము హాస్యాలతో పరిహాసాలతో ఆమెను ఉక్కిరి, బిక్కిరి చేస్తున్నారు. నా హృదయం భగ్గుమంది. తొట్టెడు నీళ్లు నా హృదయంలోని మంటల నార్పలేక పోయాయి.

"ఇదిగో తుండు." పొడి తుండు
యిచ్చింది అమ్మ. అక్కయ్య తల వీపు ఆప్యాయంగా తుడిచిన అమ్మ. అందు కున్నాను.
"శ్రీ లతకేం బంగారుబొమ్మ.... మీ అత్తగారు చాలా నగలు కొన్నారట కదూ!
"అయ్యో వెర్రిమాలోకమా? అత్త గారు కాదు. అతనే స్వయంగా అన్నీ కొనిపించాడట..”
"అందం. అదృష్టం, అయిశ్వర్యం అన్నీ ఉన్నాయి