Скачать или смотреть திருப்பாற்கடல் பிரசன்ன வெங்கடேசபெருமாள் கோவில் Sri Prasanna Venkatesa Perumal Temple காவேரிப்பாக்கம்

பூலோக திருப்பாற்கடல் 107 வது திவ்விய தேசம்

Sri Prasanna Venkatesa Perumal Temple
https://maps.app.goo.gl/THHjrzyyU7NgW...
-----------------------------------------

திருப்பாற்கடல் கிராமத்தில் காஞ்சிபுரம் அத்தி வரதரை போலவே, மிகவும் அபூர்வமான அத்தி மரத்தினால் ஆன அத்தி ரங்கநாத பெருமாள் கோவில் கொண்டிருக்கிறார். ஆதிசேஷன் மீது பள்ளி கொண்ட நிலையில் காட்சி தரும் இந்த பெருமாள் வீற்றிருக்கும் ஆலயமானது, சுமார் 2 ஆயிரம் ஆண்டுகள் பழமையானது ஆகும்.

   • பூலோக திருப்பாற்கடல் 107 வது திவ்விய தேசம்...  


வேலூர் - இராணிப்பேட்டை மாவட்டம் காவேரிபாக்கத்தை அடுத்த திருப்பாற்கடல் கிராமத்தில் உள்ளது பிரசன்ன வெங்கடேச பெருமாள் கோவில். சைவம் மற்றும் வைணவத்தை ஒருங்கிணைக்கும் ஆலயமாக இது விளங்குகிறது. இந்த ஆலயத்தில் எங்கும் இல்லாத புதுமையாக சிவலிங்கம் இருக்கும் ஆவுடையாரின் மீது பெருமாள் நின்ற கோலத்தில் காட்சி தருகிறார். இந்தத் திருத்தலம் 108 திவ்ய தேசங்களில், 107-வது தலமாக திகழ்கிறது.

ஸ்தல வரலாறு
---------
#புண்டரீகமகரிஷி ஒவ்வொரு #ஏகாதசி அன்றும் பெருமாளை தரிசித்த பிறகுதான் உணவு உண்பார். ஒரு முறை ஏகாதசி நாளில் மகரிஷி என்றும் வழிபடும் ஆலயத்திற்கு செல்ல தாமதமாகிவிட்டது. எனவே அருகில் இருந்த #அவணிநாராயணசதுர்வேதிமங்கலம் என்ற கிராமத்தில் இருந்த ஆலயத்திற்கு சென்றார்.

ஆனால் அந்த ஆலயத்தில் #சிவலிங்கம் இருந்தது. பெருமாளை வழிபட்டு விரதம் முடிக்க வந்த மகரிஷி வருத்தத்தில் ஆழ்ந்தார். ஆலயத்தை விட்டு வெளியேறினார்.

அவர் முகத்தில் இருந்த வருத்தத்தை பார்த்த ஒரு முதியவர், அதுபற்றி விசாரித்தார். மகரிஷியும், தான் பெருமாளை தரிசிக்க வந்தது பற்றியும், உள்ளே சிவலிங்கம் இருப்பது பற்றியும் கூறியதும், பெருமாளை வழிபட்டு விரதத்தை முடிக்க முடியாத வருத்தத்தை வெளிப்படுத்தினார்.

உடனே அந்த முதியவர், 'உள்ளே பெருமாள் தானே இருக்கிறார். நீங்கள் சரியாக கவனிக்கவில்லையா?' என்றபடி மகரிஷியை மீண்டும் ஆலயத்திற்குள் அழைத்துச் சென்றார்.

கருவறையில் இப்போது ஆவுடையாரின் மீது நின்ற கோலத்தில் வெங்கடேசப் பெருமாள் காட்சி தந்தார். இதைக்கண்டு மகிழ்ந்த மகரிஷி, தன் அருகில் நின்ற முதியவரை தேடியபோது அவரைக் காணவில்லை. அப்போது ஒரு அசரீரி ஒலித்தது. 'மகரிஷியே! சிவனும், விஷ்ணுவும் வேறு வேறு அல்ல. பேதம் எதுவும் தேவையில்லை. திருப்பாற்கடலில் உள்ள என்னை வழிபட்ட பலன் இத்தலத்திற்கு வந்து வழிபட்டாலே கிடைக்கும். இந்த திருத்தலம் இனி திருப்பாற்கடல் என்றே அழைக்கப்படும்' என்று அருளினார். அதைத் தொடர்ந்து மகிரிஷிக்கு அமர்ந்த கோலத்திலும், கிடந்த கோலத்திலும் பெருமாள் காட்சி கொடுத்தார்.

புண்டரீக மகரிஷிக்காக #பிரசன்னம் ஆனதால், இத்தல இறைவன் 'பிரசன்ன #வெங்கடேசப்பெருமாள் ' என்று அழைக்கப்படுகிறார். ஆலயத்தின் தல விருட்சம் வில்வமும், துளசியும் ஆகும். ஆலயத்தில் பாமா- ருக்மணியுடன் நவநீதகிருஷ்ணன், பக்த ஆஞ்சநேயர், ஒன்பது நாக தேவதைகள், அஷ்ட நாக கருடாழ்வார் ஆகியோர் சன்னிதிகள் உள்ளன.

இந்த ஆலயம் #திருவோணம் நட்சத்திரக்காரர்களுக்கு பரிகார தலமாக உள்ளது. ஒரு முறை, சந்திர பகவான் பெற்ற சாபத்தினால் அவரது ஒளியும், அவரது கலைகளும் மறையத் தொடங்கின. இதைக் கண்டு வேதனையடைந்த சந்திரனின் மனைவிகளில் ஒருவரான திருவோண நட்சத்திர தேவி, இந்த தலம் வந்து பெருமாளை வணங்கி, தவம் செய்தாள். இதையடுத்து பெருமாள் நேரில் காட்சி தந்து, சந்திர பகவானுக்கு சாபவிமோசனம் அளித்து அருள்புரிந்தார். அது முதற்கொண்டு இந்த தலம், #திருவோணநட்சத்திரம் க்காரர்களுக்கு பரிகார தலமாக உள்ளது. இங்கு தரிசிப்போருக்கு நட்சத்திர தோஷங்கள், செவ்வாய் தோஷங்கள் நிவர்த்தியாகும் என்பது ஐதீகம்.

பாசுரங்கள்
-------------
"மெய்யர்க்கே மெய்யனாகும்* விதியிலா என்னைப் போல,*
பொய்யர்க்கே பொய்யனாகும்* புட்கொடி உடைய கோமான்,*
உய்யப்போம் உணர்வினார்கட்கு* ஒருவன் என்றுணர்ந்த பின்னை,*
ஐயப்பாடு அறுத்துத் தோன்றும்* அழகன்ஊர் அரங்கம் அன்றே?

மாலை உற்ற கடற் கிடந்தவன்* வண்டு கிண்டு நறுந்துழாய்*
மாலை உற்ற வரைப் பெருந் திரு மார்வனை* மலர்க் கண்ணனை*
மாலை உற்று எழுந்து ஆடிப்பாடித்* திரிந்து அரங்கன் எம்மானுக்கே*
மாலை உற்றிடும் தொண்டர் வாழ்வுக்கு* மாலை உற்றது என் நெஞ்சமே "



#SriPrasannaVenkatesaPerumalTemple #பூலோகதிருப்பாற்கடல் #Thiruparkadalperumalkovil #Thiruparkadalperumaltemple #ThiruparkadalPrasannaVenkatesaPerumal Temple #Thiruparkadalperumal #Thiruparkadalkovil #Kaveripakkamkovil #திவ்யதேசம் #108திவ்யதேசம் #108திவ்யதேசங்கள்
#திருப்பாற்கடல்பெருமாள்
#SrirangamRanganathar #PerumalTemple
#திருப்பாற்கடல்பிரசன்ன வெங்கடேசபெருமாள் #திருமால்