EU-ს წილი საგარეო ვაჭრობაში - შესაძლებლობები vs რისკები

მიმდინარე წლის 10 თვეში საქართველოდან ევროკავშირში 456 მილიონი დოლარის ღირებულების საქონლის ექსპორტი განხორციელდა, რაც 2023 წლის ანალოგიურ პერიოდთან შედარებით 155 მილიონი დოლარით, ანუ 25%-ით ნაკლები იყო. შედეგად, საქართველოს მთლიან ექსპორტში ევროკავშირის წილი 8.4%-მდეა შემცირებული.

ექსპორტირებული უმსხვილესი საქონლის ხუთეულში თხილი და სხვა კაკალი, სპილენძის მადნები და კონცენტრატები , ძვირფასი ლითონების მადნები და კონცენტრატები, ნავთობი და ნავთობპროდუქტები და ყურძნის ნატურალური ღვინოებია.

რაც შეეხება იმპორტს, იანვარ-ოქტომბერში ევროკავშირიდან იმპორტმა 3.6 მლრდ აშშ დოლარი შეადგინა. საქსტატის მონაცემების მიხედვით, საქართველომ წელს EU-დან 17%-ით მეტი იმპორტი განახორციელა, ვიდრე გასული წლის 10 თვეში.
27 წევრ სახელმწიფოზე ჯამურად, საქართველოს მთლიანი იმპორტის 26.7% მოდის, რაც მცირედით გაზრდილი მაჩვენებელია გასული წლის ანალოგიური პერიოდის 24.1%-იანი წილიდან.

იანვარ-ოქტომბერში ევროკავშირიდან იმპორტირებული უმსხვილესი საქონლის ხუთეულში შედიოდა მსუბუქი ავტომობილები, ნავთობი და ნავთობპროდუქტები, დაფასოებული სამკურნალო საშუალებები, სატვირთო ავტომობილები და სატელეფონო აპარატები.

როგორ ვითარდება და რა როლი აქვს მას საერთო სავაჭრო მაჩვენებლებში?

სტუმარი: გვანცა მელაძე - ექსპორტის განვითარების ასოციაციის გამგეობის წევრი;