異空感應｜Hera極多打鬥場面搞到周身瘀 爆家樂阮浩棕曖昧有粉紅泡泡

異空感應｜Hera極多打鬥場面搞到周身瘀 爆家樂阮浩棕曖昧有粉紅泡泡

懸疑新劇《異空感應》啱啱開始播出，監製 王心慰 同劇中演員 陳家樂 陳曉華 阮浩棕 譚凱琪 魯振順 文雪兒 陳少邦 等就相約一齊晚飯再欣賞劇集首播。而女幹探Hera今次仲有唔少打鬥場面演出，佢就話係拍劇以來最辛苦嘅一次，唔止之前要提前上堂受訓，拍攝時仲搞到周身瘀傷。

自認柔弱嘅Hera又話經歷新劇3個月拍攝之後，相信自己成長唔少，變得更加硬朗呀。而身為犯罪心理學家嘅家樂同法醫阿Nic，同Hera之間就有一後非常複雜嘅關係，而家樂仲話同阿Nic曖昧到被認為係一對，Hera仲認為呢一對演得非常自然仲帶住愛慕眼神呀。

家樂近年作品一部接一部，最近就憑《紮職3》提名金蓮花獎最佳男配角，家樂就話非常高興獲得肯定，而身為新手爸爸嘅佢，仲話一攰就會狂Loop寶貝女嘅相同片充電，仲日日都唔願出門口，唔捨得同囡囡分開，仲話囡囡一見到戴住眼鏡嘅男士，就會誤認係自己咁話。

#異空感應 #首播 #陳曉華 #陳家樂 #阮浩棕 #打鬥 #滿身瘀傷 #柔弱變硬朗 #曖昧惹誤會 #紮職3 #金蓮花獎 #最佳男配角 #囡囡相片 #戴眼鏡
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0