Скачать или смотреть რა გზავნილია სამხრეთ ოსეთის ადმინისტრაციის გაუქმება - 28-პუნქტიანი გეგმა და ეფშტეინის სკანდალი

თანამოსაუბრე: პეტრე მამრაძე, ბლოგერი-ჟურნალისტი: ნინო ხაჩიძე
საქართველოს მთავრობამ სულ ახლახან გააუქმა სამხერთ ოსეთის ადმინისტრაცია და, რაოდენ უცნაურიც უნდა იყოს, ამ ინიციატივას ოპონენტები გამოუჩნდნენ. გავიხსენოთ პრეისტორია: 2007 წლის გაზაფხულზე საქართველოს პარლამენტმა მიიღო დადგენილება, რის მიხედვითაც, ყოფილი სამხრეთ ოსეთის ავტონომიური ოლქის ტერიტორიაზე შეიქმნა დროებითი ადმინისტრაციულ-ტერიტორიული ერთეული (ზვიად გამსახურდიამ 1991 წელს გააუქმა სამხრეთ ოსეთის ავტონომიური ოლქი და გააუქმა მას შემდეგ, რაც ოლქმა დამოუკიდებლობა გამოაცხადა). პარლამენტის თავმჯდომარე გახლდათ ნინო ბურჯანაძე, ხოლო იმავე წლის 10 მაისს საქართველოს პრეზიდენტის, მიხეილ სააკაშვილის ბრძანებით ჩამოყალიბდა სამხრეთ ოსეთის ადმინისტრაცია. 2007 წლისთვის, ფაქტობრივად ამოვარდა საჯარო სივრციდან და ადამიანების მეტყველებიდან ტერმინი „სამხრეთ ოსეთი“, მაგრამ 2006 წლის ბოლოდან დაიწყო მისი აქტიურად დაბრუნება, განსაკუთრებით, აქტიურობდა „რუსთავი 2“. საბოლოოდ, სამხრეთ ოსეთის ადმინისტრაციის დაქვემდებარებაში გადავიდა ყოფილი ოლქის არა მხოლოდ ის ტერიტორიები, რომლებსაც აკონტროლებდნენ ოსი სეპარატისტები, არამედ დიდი და პატარა ლიახვის ხეობის ქართული სოფლები და ახალგორის რაიონი, რომლებსაც სრულად აკონტროლებდა თბილისი.
მოვლენები დაგვირგვინდა 2008 წლის აგვისტოს ომით, როდესაც საოკუპაციო და სეპარატისტულმა ძალებმა მიიღეს უკვე ადმინისტრაციულსაზღვრებმოხაზული ტერიტორია, საზოგადოებაში დამკვიდრებული სახელწოდება „სამხრეთ ოსეთით“.
როგორ შეიძლება, შეფასდეს მიხელ სააკაშვილის ხელისუფლების ის გადაწყვეტილება და რას შეიძლება, უკავშირდებოდეს საქართველოს ამჟამინდელი ხელისუფლების გადაწყვეტილება და არის თუ არა რეალური მოლოდინი, რომ რუსეთი განიხილავს საქართველოსთვის ტერიტორიების დაბრუნებას?!ტრამპის 28-პუნქტიანი გეგმა - პოლიტაუქციონის საწყისი ლოტი: რამდენად იყიდა რუსეთმა უკრაინა დასავლეთისგან?