“GAG Festival”në Berlin, më thuaj që je shqiptar, pa më thënë që je shqiptar!

Nëse ka një sektor të ekonomisë që shqiptarët e mirë dhe të ndershëm shkëlqejnë me punën e tyre dhe kontribuojnë më së shumti, ai është gastronomia. Berlini po përgatitet të mirëpresë në datat 2 dhe 3 tetor, Global Albanian Gastronomy Festival, një nga ngjarjet më të mëdha që ka për synim të vërë në pah fuqinë e gastronomisë shqiptare dhe kulturës së saj të pasur.
CEO i së Global Albanian Gastronomy Festival, z. Astrit Panxha ishte sot në një intervistë me Ada Bilerin në Radio Travel , ku ndau detaje më të hollësishme për festivalin. Sipas tij, ky event nuk është vetëm një festë e traditave shqiptare, por një mundësi shumë e mirë për të kapitalizuar mbi potencialin ekonomik të Diasporës Shqiptare. Z.Panxha, ndër të tjera pohoi se, “festivali synon të ndërtojë ura të reja mes kulturës shqiptare dhe tregjeve ndërkombëtare dukefrymëzuar bashkëpunimin dhe inovacionin”.
Por si lindi, ideja e organizimit të një festivali të tillë dhe surprizat që presin pjesëmarrësit e këtij viti, ndiqni intervistën e plotë në kanalin e YouTube të Premium Channel.