ប្រធានបទៈ [ វិជ្ជាជីវៈមេធាវី ] ក្រោមអធិបតីភាព ឯកឧត្តម លី ច័ន្ទតុលា ប្រធានគណៈមេធាវី

កម្មវិធី ៣ សំណួរនេះ ត្រូវបានរៀបចំបង្កើតឡើងតាមគំនិតផ្តួចផ្តើមរបស់ឯកឧត្តម លី ច័ន្ទតុលា ប្រធានគណៈមេធាវី ដោយមាននាយកដ្ឋានស្រាវជ្រាវ បោះពុម្ភ និងផ្សព្វផ្សាយ ជាសេនាធិការទទួលបន្ទុករៀបចំផលិត ក្នុងគោលបំណងផ្សព្វផ្សាយច្បាប់ជូនសាធារណៈជន ដោយបានរៀបចំជាសំណួរពាក់ព័ន្ធនឹងច្បាប់ចំនួន ០៣ សំណួរ ដែលជាសំណួរសាមញ្ញពាក់ព័ន្ធនឹងជីវភាពរស់នៅប្រចាំថ្ងៃរបស់ប្រជាពលរដ្ឋ ហើយឱ្យវាគ្មិនដែលជាមេធាវីមានចំណេះដឹងនិងបទពិសោធន៍ ផ្តល់ចម្លើយខ្លីៗ សាមញ្ញៗ ហើយមានន័យគ្រប់គ្រាន់ ធ្វើយ៉ាងណាឱ្យសាធារណៈជនងាយយល់។

នេះជាវីដេអូទី១ នៃកម្មវិធី ៣ សំណួរ ដែលពាក់ព័ន្ធនឹង “វិជ្ជាជីវៈមេធាវី” ដោយមានការវត្តមានដ៏ខ្ពងខ្ពស់របស់ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា ធ្វើជាវាគ្មិន ហើយសំណួរទាំង ៣ នោះរួមមាន៖ (១) តើមេធាវីជាអ្វី? (២) តើតួនាទីនិងការងាររបស់មេធាវីធ្វើអ្វីខ្លះ? (៣) តើធ្វើយ៉ាងណាដើម្បីក្លាយជាមេធាវី?
តាមរយៈកម្មវីធី ៣ សំណួរនេះ គណៈមេធាវីនៃព្រះរាជាណាចក្រកម្ពុជា មានជំនឿយ៉ាងមុតម៉ាំថាវីដេអូនេះនឹងចូលរួមចំណែកផ្សព្វផ្សាយច្បាប់ជូនសាធារណៈជនបានយ៉ាងទូលំទូទាយ ហើយប្រសិនបើសាធារណជនដែលចម្ងល់ផ្នែកច្បាប់សូមទំនាក់ទំនងមកកាន់គណៈមេធាវី តាមទំព័រហ្វេសប៊ុកផ្លូវការរបស់គណៈមេធាវី